დავით შერაზადიშვილი „მერების შეთანხმება აღმოსავლეთ პარტნიორობის ქვეყნებში“ 10 წლის იუბილესადმი მიძღვნილ კონფერენციას დაესწრო. ამის შესახებ ინფორმაციას ბოლნისის მუნიციპალიტეტის მერია ავრცელებს.

მათივე ცნობით, კონფერენციას 150-ზე მეტი მონაწილე ესწრებოდა, მათ შორის ადგილობრივი და ცენტრალური ხელისუფლების წარმომადგენლები, დაინტერესებული მხარეები სომხეთიდან, აზერბაიჯანიდან, მოლდავეთიდან და უკრაინიდან.

„თბილისში ევროკავშირის მიერ დაფინანსებული პროექტის „მერების შეთანხმება - აღმოსავლეთ პარტნიორობა“ ფარგლებში, კონფერენცია „მერების შეთანხმების 10 წლისთავი აღმოსავლეთ პარტნიორობის რეგიონში“ გაიმართა. კონფერენცია „მერების შეთანხმება აღმოსავლეთ პარტნიორობის ქვეყნებში“ 10 წლის იუბილეს მიეძღვნა.

ღონისძიებაზე, მომხსენებლებმა შეთანხმებისა და მისი ხელმომწერების მიერ მიღწეულ პროგრესზე ისაუბრეს. აღსანიშნავია, რომ ბოლნისის მუნიციპალიტეტი მერების შეთანხმებას 2015 წელს შეუერთდა. შეთანხმება მიზნად ისახავს, CO₂-ის შემცირებისა და კლიმატის ცვლილებასთან ადაპტაციის ღონისძიებების გატარებას“,- ნათქვამია გავრცელებულ ინფორმაციაში.