იურიდიული დახმარების სამსახურის მიერ ინიცირებული მოძრაობის „ვაქციოთ კანონი ყველასათვის ხელმისაწვდომი“ ფარგლებში, ქედის მუნიციპალიტეტის სოფელ წონიარისის საჯარო სკოლის მოსწავლეებისთვის პარალეგალების თანამონაწილეობით შეხვედრა გაიმართა.

შეხვედრაზე იურიდიული დახმარების სამსახურის დირექტორი რაჟდენ კუპრაშვილი მოსწავლეებს ბავშვთა უფლებების, არასრულწლოვანთა მართლმსაჯულების, ბულინგის და სხვადასხვა მათთვის საინტერესო საკითხზე ესაუბრა. პარალეგალებმა მოსწავლეებს იურიდიული დახმარების სამსახურის სერვისებსა და მობილური აპლიკაციის - LAS Georgia-ს შესახებ დეტალური ინფორმაცია მიაწოდეს. იურიდიული დახმარების სამსახურის ცნობით, შეხვედრის ბოლოს საინტერესო დისკუსია გაიმართა.

იურიდიული დახმარების სამსახურში განმარტავენ, რომ პროექტ "პარალეგალის" ფარგლებში, არაიურისტი პირები, იურიდიული დახმარების სამსახურის მიერ დაგეგმილი გადამზადების პროგრამის გავლის შემდეგ, მოსახლეობას პირველად სამართლებრივ კონსულტაციას უწევენ, რაც განსაკუთრებით მნიშვნელოვანია საზოგადოების სამართლებრივი ცნობიერების ამაღლებისა და მართლმსაჯულებაზე თითოეული ადამიანის ეფექტური ხელმისაწვდომობის უზრუნველყოფისათვის.

სამსახური მადლობას USAID სამართლის უზენაესობის პროგრამას, პროექტის დაფინანსებისა და მნიშვნელოვანი მხარდაჭერისათვის.