ნიკა მელია სააკაშვილზე -  ადამიანი  არ ექვემდებარება გამოჯანმრთელებას იქ, სადაც ახლა არის - ყველამ გადაწყვიტოს, ინდივიდუალურად, რისთვის არის მზად, ეგუება სიკვდილს თუ არ ეგუება

იმ შემთხვევაში თუ მიხეილ სააკაშვილი ძალიან ლეგიტიმური მოთხოვნის ზურგშექცევის მდგომარეობაში იქნება ჩაყენებული და საერთაშორისო სამედიცინო საზოგადოებას ყურს არ უგდებენ, ბუნებრივია, ვერაფერი ძველებურად ვერ გაგრძელდება. ვფიქრობ, რომ მხოლოდ საუბრები და გულისწუხილი ამ ჩიხური მდგომარეობიდან ვერ გამოგვიყვანს, - ამის შესახებ „ნაციონალური მოძრაობის“ თავმჯდომარემ ნიკა მელიამ „ქართული ოცნების“ ოფისთან მიმდინარე აქციაზე განაცხადა.

მისი თქმით, ვისაც მიხეილ სააკაშვილის საკითხი აწუხებს უნდა გადაწყვიტოს რამდენად და რა ხარისხის თავდადებისთვის არის მზად.

„ჩვენ უახლოეს დღეებში ვიხილავთ სასიკვდილო განაჩენს გამოუტანენ მიხეილ სააკაშვილს, თუ საზღვარგარეთ გადაიყვანენ, რისკენაც მოუწოდებს მთელი საერთაშორისო სამედიცინო საზოგადოება.

იმ შემთხვევაში თუ მიხეილ სააკაშვილი ძალიან ლეგიტიმური მოთხოვნის ზურგშექცევის მდგომარეობაში იქნება ჩაყენებული და საერთაშორისო სამედიცინო საზოგადოებას ყურს არ უგდებენ, ბუნებრივია, ვერაფერი ძველებურად ვერ გაგრძელდება. მე ვფიქრობ, რომ მხოლოდ საუბრები და გულისწუხილი ამ ჩიხური მდგომარეობიდან ვერ გამოგვიყვანს. ვისაც გულწრფელად აწუხებს, მან უნდა გადაწყვიტოს რამდენად და რა ხარისხის თავდადებისთვის არის მზად.

ფაქტია, დავინახეთ, რომ ამ ტიპის აქციებმა შედეგი არ გამოიღო. გვქონდა ჩვენ ალტერნატივა დაგვეწყო არა მშვიდობიანი და არა არაძალადობრივი აქციები, არამედ სხვა ტიპის, რადიკალური აქციები, რაც ბუნებრივია, მიხეილ სააკაშვილის ინტერესებს არ მოემსახურებოდა. ამის შემდეგ ჩვენ თითქმის 5 თვის განმავლობაში ჩვენი ქმედებები მოვიყვანეთ თანხვედრაში მიხეილ სააკაშვილის დაცვის მხარესთან და ეს ბუნებრივად მოხდა. ახლა უკვე დაიდო დასკვნები, ექსპერტთა ჯგუფების მიერ, რომელიც საუბრობს, რომ ადამიანი არ ექვემდებარება გამოჯანმრთელებას იქ, სადაც არის და ახლა თუ ამასაც ზურგს შეაქცევს ბიძინა ივანიშვილი - ყველამ გადაწყვიტოს, ინდივიდუალურად, რისთვის არის მზად, ეგუება სიკვდილს თუ არ ეგუება“, - განაცხადა მელიამ.

ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 27.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა