ხატია დეკანოიძე - არ მინდა მიხეილ სააკაშვილის მსგავს მდგომარეობაში ვინმე ვიხილო, არც ივანიშვილი, მაგრამ თუ იგი იმ კამერაში იქნებოდა, მივიდოდი, ვნახავდი და სასამართლოს მოვუწოდებდი ობიექტური გადაწყვეტილება მიეღო

არ მინდა მიხეილ სააკაშვილის მსგავს მდგომარეობაში ვინმე ვიხილო, არც ამ ხელისუფლებიდან, არც რომელიმე ხელისუფლებიდან, არ მინდა ბიძინა ივანიშვილი ასე ვიხილო, მაგრამ თუ იგი იმ კამერაში ასე იქნებოდა, მე აუცილებლად მივიდოდი, ვნახავდი და სასამართლოს მოვუწოდებდი, ობიექტური გადაწყვეტილება მიეღო,- ამის შესახებ „ნაციონალური მოძრაობის“ ერთ-ერთმა ლიდერმა ხატია დეკანოიძემ აქციაზე განაცხადა.

მისი თქმით, სააკაშვილის ჯანმრთელობის მდგომარეობა ძალიან მძიმეა, რასაც უკანასკნელი დასკვნაც ადასტურებს და ხელისუფლებამ გადაწყვეტილება სწორედ ახალი რეალობის გათვალისწინებით უნდა მიიღოს.

„ეს იყო სოლიდარობის აქცია ჩემი მეგობრების მიერ დაანონსებული. ყველაზე მნიშვნელოვანი არის ის, რომ ყველა ადამიანს, ვინც აქ იყო აქციაზე, მინდა დიდი მადლობა გადავუხადო, იმიტომ, რომ მიხეილ სააკაშვილის ჯანმრთელობა და მისი სიცოცხლე ძალიან ბევრ ადამიანს ანერვიულებს, ადარდებს. თქვენ იცით, რომ მე ნამდვილად არ ვყოფ მხარეებად ჩემ პარტიაში მეგობრებს, არასოდეს არ დავყოფ. ყველას რაც გვადარდებს და გვაერთიანებს ახლა, არის მიხეილ სააკაშვილის ჯანმრთელობა და მისი გადარჩენა. შესაბამისად, ყველა მოვედით, ვინც რეალურად ძალიან ვწუხვართ ამ ყველაფერზე. ახლა არის გადამწყვეტი მომენტი, უნდა ჩაინიშნოს სასამართლო და მან უნდა მიიღოს გადაწყვეტილება იმაზე დაყრდნობით, რა ჯანმრთელობის მდგომარეობაც სააკაშვილს აქვს. თქვენ იცით, რომ მე დრამატიზების გარეშე გიყვებით ხოლმე ყოველთვის მის ჯანმრთელობაზე და თქვენ იცით ჩემი ნამდვილად შოკისმომგვრელი მდგომარეობა, როდესაც მე მისი პალატა დავტოვე ბოლოს, 4 დღის წინ. ძალიან მძიმედ არის, ძალიან ცუდად არის და რეალურად ამას აჩვენებს დასკვნაც. როგორც გუშინ აშშ-ის ელჩმა განაცხადა, ამ ახალი რეალობის გათვალისწინებით უნდა იმოქმედოს ხელისუფლებამ.

ჩემი დამოკიდებულება სასამართლოსთან დაკავშირებით იცით, მაგრამ მე მოლოდინი მაქვს, რომ საზოგადოება მიხვდება, რამდენად მნიშვნელოვანი გადაწყვეტილების წინაშე ვდგავართ ყველა ერთად და მე ამას ვეუბნები მათ შორის „ქართულ ოცნებასაც“, როდესაც პარლამენტში ღიად გვაქვს საუბარი“,- განაცხადა დეკანოიძემ.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)