ხობის მუნიციპალიტეტის ყულევის ადმინისტრაციულ ერთეულში გზის რეაბილიტაცია დასრულდა
ხობის მუნიციპალიტეტის ყულევის ადმინისტრაციულ ერთეულში გზის რეაბილიტაცია დასრულდა.
ხობის მერიის ინფორმაციით, ინფრასტრუქტურული პროექტი, ადგილობრივი ბიუჯეტის და რეგიონებში განსახორციელებელი პროექტების ფონდის თანადაფინანსებით ხობის მუნიციპალიტეტის მერიამ განახორციელა.
„პროექტის შესაბამისად დაიგო ასფალტის საფარი, მოეწყო ეზოებთან მისასვლელები, დამონტაჟდა საგზაო ნიშნები და ამოიწმინდა სანიაღვრე არხები.
რეაბილიტირებული გზა ხობის მუნიციპალიტეტის მერმა დავით ბუკიამ, მერის პირველმა მოადგილემ რევაზ ზაქარაიამ და მერიის ინფრასტრუქტურის, ურბანული განვითარებისა და არქიტექტურის სამსახურის უფროსმა გია ჩაბალუხამ დაათვალიერეს.
გზის რეაბილიტაციის პროექტის სახელშეკრულებო ღირებულებამ 439 484 ლარი შეადგინა.
ხობის მუნიციპალიტეტის მერიამ სასოფლო გზის რეაბილიტაციის პროექტი ადგილობრივი მოსახლეობის წინადადების საფუძველზე განახორციელა“, - ნათქვამია გავრცელებულ ინფორმაციაში.
