სალომე სამადაშვილი - ჩვენი ამოცანაა, საქართველომ კანდიდატის სტატუსი რაც შეიძლება სწრაფად მიიღოს, ამისთვის ბერკეტები ხელისუფლებას აქვს - დღევანდელი მდგომარეობით, სიტუაცია დამაიმედებლად არ გამოიყურება

„ლელოს“ წარმომადგენლები 12 რეკომენდაციის შესრულების თაობაზე ევროკავშირის მისიის წარმომადგენლებს ხვდებიან. შეხვედრაზე განიხილება საკითხი, თუ როგორ სრულდება ევროკომისიის მიერ შემოთავაზებული 12 პუნქტი და რა არის ამისთვის საჭირო.

როგორც „ლელოს“ წარმომადგენელმა, სალომე სამადაშვილმა ჟურნალისტებს განუცხადა, თუ ამ გზას გააგრძელებს ხელისუფლება, ნაკლები შანსია, რომ საქართველომ ევროკავშირის კანდიდატი ქვეყნის სტატუსი მიიღოს.

„ჩვენ ვხედავთ, რომ ფაქტობრივად, წელი დასრულდა და გამიჭირდება ვთქვა, რომ ევროკავშირის მოთხოვნების 12 პუნქტიდან რომელიმე ბოლომდე არის მიყვანილი. ამიტომ, ცხადია, ჩვენ არა მხოლოდ მივაწოდებთ ინფორმაციას ჩვენი შეხედულებით, თუ რა შეიძლება გაკეთდეს უახლოეს მომავალში იმისთვის, რომ ევროკავშირის მოთხოვნები შესრულდეს, არამედ ჩვენთვის ასევე საინტერესოა, რა შეფასებები აქვს ევროკავშირის მისიას ჩვენს ქვეყანაში, რადგან ის არის პირველი ხაზი, რომელიც შეფასებებს აკეთებს. გვაინტერესებს, რა მოლოდინი აქვთ. ცხადია, ჩვენ იმედგაცრუებული ვართ იმ პროცესით, რაც მიმდინარეობს და გვაქვს განცდა, რომ თუ ასე გააგრძელებს "ქართული ოცნება", მაშინ ქვეყანას ძალიან ნაკლები შანსი აქვს იმ წარმატების, რომელიც ასე ესაჭიროება დღეს ჩვენს სახელმწიფოს.

ჩვენი ამოცანა არის, რომ საქართველომ კანდიდატის სტატუსი რაც შეიძლება სწრაფად მიიღოს, ამისთვის ბერკეტები ხელისუფლებას აქვს. დღევანდელი მდგომარეობით სიტუაცია არ გამოიყურება მაინც და მაინც დამაიმედებლად“, - განაცხადა სამადაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024