ახლა ვინმეს თუ უნდა სურათი დახატოს, რომ უკრაინელები ცუდი ხალხი არიან და არ გვეხმარებიან, ჩემი აზრით უსინდისო ნაბიჭვარია, - ამის შესახებ „გირჩი - მეტი თავისუფლების“ ლიდერმა, ზურაბ ჯაფარიძემ განაცხადა.

მისივე თქმით, უკრაინა გვეხმარებოდა, არა მარტო 2008 წლის ომის დროს, არამედ, 90-იანების დასაწყისშიც.

„2008 წლის ომის დროს რუსული თვითმფრინავები თითქმის ყველა უკრაინული იარაღითაა ჩამოყრილი. ვიცი, რომ უკრაინა გვეხმარებოდა, არა მარტო 2008-ში, არამედ 90-იანების დასაწყისშიც. მაშინაც უკრაინელები ჩვენს გვერდით იბრძოდნენ და იხოცებოდნენ. მათ შორის, უკრაინელების დახმარებით მოხდა უამრავი დევნილის ევაკუაცია. ახლა ვინმეს თუ უნდა სურათი დახატოს, რომ უკრაინელები ცუდი ხალხი არიან და არ გვეხმარებიან, ჩემი აზრით, უსინდისო ნაბიჭვარია“, - განაცხადა ჯაფარიძემ.