მაკა ბოჭორიშვილი - ევროკავშირის მართლმსაჯულების სასამართლოს პრეზიდენტთან შეხვედრაზე განვიხილეთ საკითხები, რაც საქართველომ  ინტეგრაციის პროცესში შეიძლება გამოიყენოს

ევროპასთან ინტეგრაციის კომიტეტის თავმჯდომარის, მაკა ბოჭორიშვილის განცხადებით, ევროკავშირის მართლმსაჯულების სასამართლოს პრეზიდენტთან შეხვედრაზე განიხილეს სხვადასხვა საკითხი, რაც ევროკავშირთან ინსტიტუციურ თანამშრომლობას და იმ პერსპექტივებს უკავშირდება, რაც საქართველომ ინტეგრაციის პროცესში შეიძლება გამოიყენოს.

პარლამენტის ინფორმაციით, აღნიშნული განცხადება მაკა ბოჭორიშვილმა ევროკავშირის მართლმსაჯულების სასამართლოს პრეზიდენტთან შეხვედრის დასრულების შემდგომ გააკეთა.

მისი თქმით, შეხვედრა მნიშვნელოვანი და საინტერესო იყო სხვადასხვა ისეთ საკითხებთან დაკავშირებით, რაც საქართველოს ევროკავშირში ინტეგრაციას, შემდგომი თანამშრომლობის გაღრმავებას და საქართველოს ევროკავშირში ინტეგრაციის პროცესის ხელშეწყობას უკავშირდება.

„ევროკავშირის მართლმსაჯულების სასამართლო არის ევროკავშირის ერთ-ერთი ინსტიტუტი, რომელიც აკეთებს ევროკავშირის კანონმდებლობის ინტერპრეტაციებს, რასაც ჩვენ აქტიურად ვიყენებთ ჩვენს საკანონმდებლო პროცესში", - განაცხადა მაკა ბოჭორიშვილმა.

კოენ ლენარტთან შეხვედრა საქართველოს პარლამენტის თავმჯდომარისა და მისი თანმხლები დელეგაციის ლუქსემბურგში მიმდინარე ვიზიტის ფარგლებში გაიმართა.

ირაკლი მელაშვილი - კანონის მიღებით ხელისუფლებამ საბედისწერო შეცდომა დაუშვა
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
კახა ოქრიაშვილი - ვერცერთი ქართული ოჯახი ვერ იქნება ბედნიერი, თუ ჩვენი დიდი ოჯახი, საქართველო ძლიერი და ბედნიერი არ იქნება