ქუთაისი „ღია მმართველობის პარტნიორობის“ (OGPLocal) პროგრამაში ერთვება

ქუთაისის მერმა იოსებ ხახალეიშვილმა „ღია მმართველობის პარტნიორობის“ ლოკალური პროგრამის (OGPLocal ) ექსპერტებთან შეხვედრა გამართა.

ქუთაისის მერიის ინფორმაციით, შეხვედრას გაეროს განვითრების პროგრამის (UNDP) წარმომადგენელი, პროექტ „კარგი მმართველობის“ კოორდინატორი თინათინ ბეშკენაძე, ექსპერტები ლაშა გოგიძე და თამარ გზირიშვილი ესწრებოდნენ.

„ქუთაისის მუნიციპლიტეტი 2022 წელს ჩაერთო „ღია მმართველობის პარტნიორობის“ ლოკალურ პროგრამაში (OGPLocal ) . OGP არის პლატფორმა, სადაც მნიშვნელოვან როლს სამოქალაქო საზოგადოება ასრულებს. ამ პროგრამას მნიშვნელოვანი დახმარების გაწევა შეუძლია ჩვენთვის, რათა სახელმწიფო სერვისები გახდეს უფრო ქმედითი და ეფექტური, ხოლო მმართვაში აქტიურად ჩაერთონ მოქალაქეები.

დღეს შევხვდი პროგრამის ექსპერტებს, რომლებთან ერთადაც განვიხილეთ 2023-2025 წლებში პროგრამის ფარგლებში განსახორციელებელი ვალდებულებები.

ქუთაისის მუნიციპალიტეტში ამ ეტაპზე, საერთაშორისო დონორებთან თანამშრომლობით, რამდენიმე მნიშვნელოვანი პროექტი ხორციელდება, რაც საბოლოოდ დადებითად აისახება ქალაქის განვითარებაზე“, - განაცხადა იოსებ ხახალეიშვილმა.

მერიის ინფორმაციით, დღესვე, აკაკი წერეთლის სახელმწიფო უნივერსიტეტში გაიმართა კონფერენცია „სამოქალაქო საზოგადოების როლი „ღია მმართველობის პარტნიორობის“ განხორციელების პროცესში“, რომლის ორგანიზატორი იყო პარტნიორი ორგანიზაცია „ადგილობრივი დემოკრატიის სააგენტო საქართველო“.

„ღია მმართველობის პლატფორმაში“ ქუთაისის მუნიციპალიტეტის გაწევრიანების მნიშვნელობაზე ისაუბრა მერიის ადმინისტრაციული სამსახურის უფროსმა პეტრე ადამაძემ. ქუთაისის მუნიციპალიტეტის „ ღია მმართველობის პარტნიორობის“ ლოკალური პროგრამის (OGPLocal ) 2023-2025 წლების სამოქმედო გეგმა მერიის საგარეო ურთიერთობების და საერთაშორისო პროექტების განყოფილების უფროსმა შორენა ხუხუამ წარადგინა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს