შალვა პაპუაშვილი - ვნახეთ მცდელობები, რომ სასამართლოზე ზეწოლა ყოფილიყო, მათ შორის, აქციებით - დარწმუნებული ვარ, მოსახლეობა რადიკალიზმზე უარს იტყვის

ყველამ უარი უნდა თქვას სასამართლოს ზეწოლაზე. ჩვენ ვნახეთ მცდელობები, რომ სასამართლოზე ზეწოლა ყოფილიყო, მათ შორის, ასეთი სახის აქციებით - დარწმუნებული ვარ, მოსახლეობა უარს იტყვის რადიკალიზმზე,- ამის შესახებ პარლამენტის თავმჯდომარე შალვა პაპუაშვილმა საქართველოს მესამე პრეზიდენტ, მიხეილ სააკაშვილსა და „ნაციონალური მოძრაობის“ მიერ დაანონსებულ აქციებზე საუბრისას განაცხადა.

ჟურნალისტის კითხვაზე, როგორ შეაფასებს „ვივამედში“ მყოფი მიხეილ სააკაშვილისთვის გადაღებულ და გავრცელებულ ფოტოებს, პაპუაშვილმა აღნიშნა, რომ ფოტოებს ექსპერტის თვალით ვერ შეხედავს, მას არ აქვს შესაძლებლობა, რომ განსაზღვროს როგორ გამოიყურება ადამიანი.

„ეს პროცესი სამართლებრივია, რომელიც ეფუძნება სამედიცინო ექსპერტიზას. სასამართლო პროცესი გაიმართება, რომელიც ამ საკითხს განიხილავს. ექიმები არიან ჩართულები. ჩემი გადმოსახედიდან, მნიშვნელოვანია, არავინ მოახდინოს სასამართლოზე ზეწოლა, გადაწყვეტილების მიღების პროცესში არ ჩაერიოს. მეორე არ მოხდეს მანიპულაცია და დეზინფორმაცია სხვადასხვა სახის ინფორმაციის გავრცელებით. სამართლებრივ სახელმწიფოს ვენდოთ, მივანდოთ ეს საქმე სასამართლოს და ექსპერტიზას. როგორც სხვა საკითხებში ჩვენი სასამართლო არის მწყობრად სამართლიანი გადაწყვეტილების მიღებაში, ამ საქმეშიც ეს მოლოდინი მაქვს.

მე ეს ფოტოები ვნახე, მაგრამ ვერაფერს გეტყვით. ექსპერტის თვალით ვერ შევხედავ. მე არ მაქვს შესაძლებლობა, რომ განვსაზღვრო როგორ გამოიყურება ადამიანი. ამ საკითხებზე მსჯელობა სასამართლოს და სამედიცინო [სფეროს] კომპეტენციაა“,- აღნიშნა პაპუაშვილმა.

კითხვაზე, თუ როგორ შეაფასებს „ნაციონალური მოძრაობის“ მიერ დაანონსებულ აქციებს, პაპუაშვილი განმარტავს, რომ ყველამ უარი უნდა თქვას სასამართლოს ზეწოლაზე.

„ჩვენ ვნახეთ მცდელობები, რომ სასამართლოზე ზეწოლა ყოფილიყო, მათ შორის, ასეთი სახის აქციებით. დარწმუნებული ვარ, სასამართლო დარჩება დამოუკიდებელი. რაც შეეხება დაანონსებულ აქციებს, ასეთი აქციები ბევრი ვნახეთ, ასევე ვნახეთ საქართველოს მოსახლეობის პასუხი ასეთ დაანონსებულ აქციებზე. დარწმუნებული ვარ, მოსახლეობა უარს იტყვის რადიკალიზმზე“,- აღნიშნავს პაპუაშვილი.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 27.05.2024
2024 წლის ახალი ტოიოტა ლენდ კრუიზერ პრადო - სულ მალე საქართველოში
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე