სამი კანდიდატია, რომელიც სამოქალაქო სექტორმა შეარჩია, ჩვენ სამივეს დავუჭერთ მხარს - ძალიან მნიშვნელოვანია, რომ ოპოზიციას ჰქონდეს მკაფიო პოზიცია, არ გადაუხვიონ საკუთარ განაცხადს, არ შეეკრან „ქართულ ოცნებას“, რომ გააყვანინოს რომელიმე მისთვის სასურველი კანდიდატი, - ამის შესახებ „სტრატეგია აღმაშენებლის“ თავმჯდომარემ, გიორგი ვაშაძემ ჟურნალისტებთან სახალხო დამცველობის კანდიდატის შერჩევაზე საუბრისას განაცხადა.
როგორც ვაშაძე განმარტავს, თუ პოლიტიკური ნება ექნება „ქართულ ოცნებას“ შეუძლია ამ სამიდან აირჩიოს მისთვის ყველაზე მისაღები კანდიდატი.
„სამი კანდიდატია, რომელიც სამოქალაქო სექტორმა შეარჩია, ჩვენ სამივეს დავუჭერთ მხარს. თუ პოლიტიკური ნება ექნება „ქართულ ოცნებას“ შეუძლია ამ სამიდან აირჩიოს მისთვის ყველაზე მისაღები კანდიდატი. სამწუხაროდ, როგორც თვალს ვადევნებ პროცესს, მე არ მაქვს პოზიტიური მოლოდინი. აქ ძალიან მნიშვნელოვანია, რომ ოპოზიციას ჰქონდეს მკაფიო პოზიცია და არ გადაუხვიონ საკუთარ განაცხადს, არ შეეკრას „ქართულ ოცნებას“, რომ გააყვანინოს რომელიმე მისთვის სასურველი კანდიდატი. სამოქალაქო სექტორმა სამი კანდიდატი წარადგინა და სამიდან შეუძლია „ქართულ ოცნებას“ რომ მისთვის მისაღები აირჩიოს“, - აღნიშნავს ვაშაძე.