ილია დარჩიაშვილი იაპონელ კოლეგას შეხვდა

ქალაქ ტოკიოში ვიზიტის ფარგლებში, საგარეო საქმეთა მინისტრს ილია დარჩიაშვილს იაპონელმა კოლეგამ, იაშიმასა ჰაიაშიმ უმასპინძლა.

საგარეო საქმეთა სამინისტროს ცნობით, მინისტრმა მადლობა გადაუხადა კოლეგას მასპინძლობისთვის და ხაზი გაუსვა საქართველო-იაპონიის მრავალწლიან გამორჩეულ მეგობრობასა და პარტნიორობას, რისი ნათელი დასტურიც არის ორი ქვეყნის დიპლომატიური ურთიერთობის 30 წლისთავი.

„მინისტრები მიესალმნენ ქვეყნებს შორის არსებულ მაღალი დონის კონტაქტებს, რომლებიც ხელს უწყობს სხვადასხვა სფეროში თანამშრომლობის გაღრმავებასა და გააქტიურებას. მხარეებმა ყურადღება გაამახვილეს ორ ქვეყანას შორის ერთიან ღირებულებებზე დაფუძნებულ პარტნიორობას და თანამშრომლობის განვითარების ისეთ პოტენციურ სფეროებს როგორიც არის ეკონომიკა, დაკავშირებადობა, მდგრადი განვითარება, ენერგო უსაფრთხოება, კლიმატის ცვლილებები, კულტურული და ხალხთაშორისი კონტაქტები. მინისტრებმა ასევე ისაუბრეს რეგიონში არსებულ უსაფრთხოების გარემოზე, მიმდინარე გამოწვევების ფონზე საქართველოს მზარდ ეკონომიკური განვითარებაზე და ქვეყნის ევროპული და ევრო-ატლანტიკური ინტეგრაციის დღის წესრიგზე. ასევე აღნიშნეს ის მზარდი როლი რომელიც არსებული გამოწვევების ფონზე აქვს სამხრეთ კავკასიის რეგიონს, საქართველოს მნიშვნელოვანი სატრანზიტო და ენერგეტიკული ფუნქციის გათვალისწინებით.

როგორც შეხვედრაზე აღინიშნა, საქართველოს აქვს დიდი და სტაბილური საინვესტიციო პოტენციალი და იაპონური მხარე დაინტერესებულია ამ კუთხით თანამშრომლობის განვითარებით. ილია დარჩიაშვილმა მადლობა გადაუხადა იაპონიის მხარეს საქართველოს სუვერენიტეტისა და ტერიტორიული მთლიანობის მტკიცე მხარდაჭერისთვის. შეხვედრაზე განსაკუთრებით აღნიშნა იაპონიის მთავრობის მიერ საქართველოსთვის გაწეული დახმარება სხვადასხვა სექტორული მიმართულებით, რითაც მნიშვნელოვანი წვლილი შეიტანა ჩვენი ქვეყნის განვითარებაში დამოუკიდებლობის აღდგენის შემდგომ. მინისტრები მიესალმნენ ქვეყნებს შორის დიპლომატიური ურთიერთობის დამყარების საიუბილეო თარიღს - 30 წლისთავს და აღნიშნეს ის მნიშვნელოვანი ღონისძიებები, რომელიც ორივე ქვეყანაში ჩატარდა საიუბილეო წლის აღსანიშნავად. შეხვედრის ფარგლებში, ორი ქვეყნის საგარეო საქმეთა მინისტრებმა ასევე ხელი მოაწერეს მემორანდუმს ხანძარსაწინააღმდეგო მანქანების საქართველოსთვის გადმოცემის შესახებ", - აღნიშნულია საგარეო საქმეთა სამინისტროს მიერ გავრცელებულ ინფორმაციაში.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)