"ნაციონალური მოძრაობის" წევრებთან, რომლებმაც საკანონმდებლო ორგანოში შიმშილობა გამოაცხადეს, პარლამენტის თავმჯდომარე შალვა პაპუაშვილი მივიდა.

პაპუაშვილმა დეპუტატებს შიმშილობის შეწყვეტა სთხოვა.

„ნაციონალური მოძრაობის“ წევრებმა დავით კირკიტაძემ, ანა წითლიძემ და აბდულა ისმაილოვმა პარლამენტში შიმშილობა გუშინ დაიწყეს. მათ დღეს თემურ ჯანაშიაც შეუერთდა.

მათივე თქმით, შიმშილობა გაგრძელდება მანამ, ვიდრე მიხეილ სააკაშვილს სამკურნალოდ სხვა ქვეყანაში არ გადაიყვანენ.