ჰერმან საბო - განათლების სამინისტრო გადაქცეულია ერთ დიდ სკოლად, სადაც ბავშვებს ვექცევით, როგორც ერთ ყალიბზე მოჭრილ არსებებს და ამით მორჩილი მუშის გაზრდას ვცდილობთ

განათლების სამინისტრო გადაქცეულია ერთ დიდ სკოლად, სადაც ბავშვებს ვექცევით, როგორც ერთ ყალიბზე მოჭრილ არსებებს და ამით მორჩილი მუშის გაზრდას ვცდილობთ, - ამის შესახებ „გირჩის“ წევრმა ჰერმან საბომ პარლამენტში „თავისუფალი ტრიბუნით“ სარგებლობისას განაცხადა.

მისივე თქმით, განათლების სამინისტრო რაღაც ფორმით გასაუქმებელიცაა.

„ჩვენი განათლების სისტემა აწარმოებს განათლებას, რომლის შედეგადაც ქართველი მოსწავლეების 60-70% რაიმე ტექსტს რომ წაიკითხავს, ვერ მოგიყვებათ რა წაიკითხა, რომელთაც მათემატიკური აზროვნებაც ძალიან უჭირთ. თუ რამით მაჩანჩალა ქვეყანა ვართ მსოფლიოში, ვართ სწორედ განათლების სისტემით. ამის მთავარი მიზეზი ისაა, რომ განათლების სამინისტრო გადაქცეულია ერთ დიდ სკოლად, სადაც ბავშვებს ვექცევით, როგორც ერთ ყალიბზე მოჭრილ არსებებს და ერთი და იგივე წიგნებით, ერთი და იგივე მეთოდებით, ერთსა და იმავე დროს, ერთსა და იმავე ასაკში, ვასწავლით ერთსა და იმავეს და ამით მორჩილი მოქალაქის, მორჩილი მუშის გაზრდას ვცდილობთ.

ჩვენს განათლების სისტემაში გამქრალია კონკურენცია განათლების მეთოდებს შორის, წიგნებს შორის, მასწავლებლებს შორის, სკოლებს შორის. განათლება ისეთივე პროდუქტია, როგორ ჯანდაცვა, კვება, ჩაცმა. რაღაც რომ გტკივა, ვირჩევთ კლინიკას, ექიმს, წამალს, ყოველ შემთხვევაში, ვაკონტროლებთ მაინც. მაგრამ თუ განათლების ყიდვა გინდა, არ გვაქვს არცერთი ასეთი არჩევანი. არ შეგვიძლია ავირჩიოთ სკოლა, მასწავლებელი, წიგნი, რადგან ეს ყველაფერი განათლების სამინისტროს მიერაა შეზღუდული. კერძო სკოლებიც კი, უბრალოდ, კარგად შელესილი და გალამაზებული საჯარო სკოლებია. პოლიციის ძალით გვაქვს აკრძალული განათლების ყველა მეთოდი, გარდა აგურის სკოლაში შეკეტილი მოსწავლეებისა და მასწავლებლებისა. შვილებზე, ბავშვებზე პასუხისმგებლობა უნდა დავუბრუნოთ მშობლებს და მათ მიერ არჩეულ მასწავლებლებს, ხოლო განათლების სამინისტრო რაღაც ფორმით გასაუქმებელია“, - განაცხადა ჰერმან საბომ.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა