ბათუმში, აღმაშენებლისა და კობალაძის ქუჩების კვეთაზე, მრავალსართულიანი საცხოვრებელი კორპუსიდან, რომლის ბოლო სართულზე, რესტორან "ვოქსში"" ხანძარი გაჩნდა, მოსახლეობის ევაკუაცია მიმდინარეობს.
არსებული ინფორმაციით, რესტორანში სამშენებლო სამუშაოები მიმდინარეობდა და უშუალოდ რესტორნის ტერიტორიაზე არავინ იმყოფებოდა.
როგორც "ინტერპრესნიუსის " კორესპონდენტი ადგილიდან იუწყება, ცეცხლი მთლიანად ბოლო სართულს უკიდია.
დაშავებულების შესახებ ინფორმაცია ამ დროისთვის არ ვრცელდება. ადგილზე შესაბამისი სამსახურების წარმოამდგენლები არიან მობილიზებული.