ბათუმის მერი - ამ ეტაპისთვის არსებული ინფორმაციით, მსხვერპლი და დაშავებულები არ გვყავს - მიმდინარეობს ხანძრის სალიკვიდაციო სამუშაოები

ბათუმის მერის არჩილ ჩიქოვანის განცხადებით, ბათუმში, მაღალსართულიანი საცხოვრებელი კორპუსის ბოლო სართულზე მდებარე რესტორან "ვოქსში" ხანძრის შედეგად დაშავებულები არ არიან, მიმდინარეობს ხანძრის სალიკვიდაციო სამუშაოები.

მერის თქმით, ხანძრის გამომწვევ მიზეზებზე დაწყებულია გამოძიება და მომხდარზე უფრო მეტი ინფორმაცია, ხვალ დილისთვის გახდება ცნობილი.

"ხანძრის გაჩენის პირველივე წუთებიდან ყველა სამსახური მობილიზებული იქნა დროულად, მათ შორის სამაშველო სამსახური, პოლიციის უწყებები, მუნიციპალური სამსახურები. დროულად მოხდა ჩვენი თანამოქალაქეების, ადგილზე მცხოვრები მოქალაქეების ევაკუაცია. ამ ეტაპისთვის, არსებული ინფორმაციით, მსხვერპლი და დაშავებულები არ გვყავს, საბედნიეროდ. მიმდინარეობს ხანძრის სალიკვიდაციო სამუშაოები.

დანარჩენ მონაცემებთან დაკავშირებით, როგორც ჩვენ, ასევე შსს ხვალ დილისთვის განვაახლებთ მონაცემებს, სრულყოფილად მოგაწვდით.

დაწყებულია გამოძიება ხანძრის გამომწვევ მიზეზებთან დაკავშირებით, ჩატარდება შესაბამისი ექსპერტიზები, შეგროვდება მონაცემები და შემდგომ შევაჯამებთ და გავაკეთებთ კომენტარს", - განაცხადა ჩიქოვანმა.

ჩიქოვანის ინფორმაციით, რესტორანი ბოლო პერიოდში არ მუშაობდა.

"ჩემს ხელთ არსებული ინფორმაციით, ბოლო პერიოდის განმავლობაში აღნიშნული რესტორანი არ ფუნქციონირებდა, ყველაფერზე პასუხს გასცემს შესაბამისი ექსპერტიზა. გამოძიების ინტერესებიდან გამომდინარე მიმდინარე სამუშაოების გათვალისწინებით, ხვალისთვის გაკეთდება შემაჯამებელი კომენტარი",- განაცხადა ჩიქოვანმა.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა