თემურ ჯანაშია - მიხეილ სააკაშვილის ჯანმრთელობისთვის თითოეული წუთი და წამი მნიშვნელოვანია

ჩვენ მტკიცედ გვაქვს გადაწყვეტილი და ვაგრძელებთ შიმშილობას, სანამ პრეზიდენტ სააკაშვილს ადეკვატური მკურნალობა აქ ექნება, - ამის შესახებ “ნაციონალური მოძრაობის” დეპუტატმა თემურ ჯანაშიამ ჟურნალისტებთან განაცხადა.

მისი თქმით, ყოფილი პრეზიდენტის, მიხეილ სააკაშვილის ჯანმრთელობისთვის თითოეული წუთი და წამი მნიშვნელოვანია.

„რაც შეგვეხება მოშიმშილეებს, საერთო სისუსტეს ვგრძნობთ, სხვა არანაირი პრობლემა არ გვაქვს. ჩვენ მტკიცედ გვაქვს გადაწყვეტილი და ვაგრძელებთ შიმშილობას, სანამ პრეზიდენტ სააკაშვილს არ ექნება ადეკვატური მკურნალობა.

პრეზიდენტ სალომე ზურაბიშვილს ვეთანხმები იმაში, რომ პრეზიდენტ სააკაშვილის ამ მდგომარეობაში ყოფნა ნამდვილად არ უწყობს ხელს პოლარიზაციის განმუხტვას, თუმცა მახსოვს მისი ადრინდელი განცხადებები, როცა ის ამბობდა, რომ შეწყალება გამოიწვევდა პოლარიზაციას. მე მაინც მინდა, რომ შევცდე და მან გამოიყენოს თავისი კონსტიტუციური უფლება, მაგრამ რამდენად არის ის თავისუფალი თავის გადაწყვეტილებაში და არჩევანში, ამას მომავალი გვაჩვენებს.

ჩემთვის კადრები არ იყო საჭირო, ისედაც ვიცი მისი მდგომარეობა. ეს ადამიანი არის წამების, არაადამიანური მოპყრობის და ასევე, მოწამვლის მსხვერპლი. ხელისუფლების ამოცანა არის, რაც შეიძლება მაქსიმალური ზიანი მიაყენოს მის ჯანმრთელობას და ისეთი შედეგები დადგეს, რაც საბოლოო ჯამში, არ შემობრუნდება სასიკეთოდ, ამიტომ თითოეული წუთი, თითოეული წამი არის მისთვის და მისი ჯანმრთელობისთვის, რა თქმა უნდა, მნიშვნელოვანი“, - განაცხადა თემურ ჯანაშიამ.

ცნობისათვის, თავდაპირველად, 15 დეკემბერს პარლამენტში, მიხეილ სააკაშვილის საზღვარგარეთ გადაყვანის მოთხოვნით, შიმშილობა „ნაციონალური მოძრაობის“ წევრებმა - ანა წითლიძემ, დავით კირკიტაძემ და აბდულა ისმაილოვმა დაიწყო, თუმცა აბდულა ისმაილოვმა ჯანმრთელობის მდგომარეობის გამო შიმშილობა შეწყვიტა. მოშიმშილეებს „ნაციონალური მოძრაობის“ დეპუტატი თემურ ჯანაშია 16 დეკემბრიდან შეუერთდა.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა