ბიზნესისა და ტექნოლოგიების უნივერსიტეტი UNESCO-ს პროგრამის „ინფორმაცია ყველასთვის“ პრესტიჟული საგრანტო კონკურსის გამარჯვებულია. BTU გახლავთ ერთადერთი ქართული უნივერსიტეტი, რომელმაც 2022 წლის კონკურსის მიმდინარეობისას აღნიშნული პროგრამის დაფინანსება მოიპოვა.

პროექტის ფარგლებში, UNESCO-ს მხარდაჭერით, ჩატარდება ციფრული წიგნიერების მიმართულებით ცნობიერების ასამაღლებელი ფართომასშტაბიანი საინფორმაციო კამპანია. გარდა ამისა ტექ ინგლისურში, ციფრულ წიგნიერებასა და საინფორმაციო ტექნოლოგიების მიმართულებით გადამზადდებიან ქართველი და უკრაინელი დევნილი ქალები. ასევე, შეიქმნება პროგრამის კურსამთავრებულთა ქსელი, რომელიც პროექტის მდგრადობას შეუწყობს ხელს.

ბიზნესისა და ტექნოლოგიების უნივერსიტეტი დაარსების დღიდან აქტიურად არის ჩართული ტექნოლოგიებში ქალთა როლის გაძლიერებაში და ამ მიზნით არაერთი პროექტი აქვს განხორციელებული.

„Promoting Information Literacy in Digital Environment among Women in Georgia“ - ეს კი BTU-ს კიდევ ერთი მასშტაბური პროექტია, რომელიც ტექნოლოგიებში ქალთა როლის გაძლიერებას ემსახურება.

(R)