სოფელ ქიწნისში საბავშვო ბაღის შენობის რეაბილიტაცია მიმდინარეობს

გორის მუნიციპალიტეტის სოფელ ქიწნისში საბავშვო ბაღის შენობის რეაბილიტაცია მიმდინარეობს.

გორის მერიის ცნობით, ერთსართულიან შენობას, სადაც სკოლამდელ განათლებას 30-მდე აღსაზრდელი იღებდა, სრული რეაბილიტაცია უტარდება. პროექტის მიხედვით, იცვლება სახურავიც და კომუნიკაციებიც, მონტაჟდება ახალი გათბობის სისტემა, მოეწყობა ობიექტის ეზოც და ატრაქციონებიც.

მათივე ინფორმაციით, ხელშეკრულების მიხედვით, სამუშაოები 2023 წლის მარტში დასრულდება. მომავალი წლიდან, სოფელში მცხოვრებ პატარებს თანამედროვე სტანდარტების, კეთილმოწყობილი საბავშვო ბაღი მოემსახურება.

„ქიწნისის საბავშვო ბაღის შენობა ექსპლუატაციაში დაახლოებით 3 ათეული წლის წინ შევიდა და მას შემდეგ მსგავსი სახის სარეაბილიტაციო სამუშაოები არ ჩატარებია.

2022 წელს გორის მუნიციპალიტეტში სამი სააღმზრდელო დაწესებულება (მეჯვისხევი, მეღვრეკისი, გორი - ანწუხელიძის ქუჩა) აშენდა და ორი საბავშვო ბაღის მშენებლობა (საქაშეთი, ახალდაბა) მიმდინარეობს. რეაბილიტაცია ასევე, ქვახვრელისა და ხელთუბნის საბავშვო ბაღებს ჩაუტარდა.

საქართველოს პრემიერ მინისტრის ინიციატივით, 2023 წლის 1-ლი იანვრიდან, საბავშვო ბაღების მშენებლობა-რეაბილიტაციის პროგრამა მთელი ქვეყნის მასშტაბით და მათ შორის გორშიც აქტიურად დაიწყება. პროექტი სამ ეტაპად განხორციელდება, რომლის ღირებულებაც მილიარდ ლარზე მეტია“, - აღნიშნულია გორის მერიის მიერ გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024