გიგა ბოკერია - არ არსებობს წინაპირობა, რომ ზელენსკის განცხადება რაიმეს შეცვლის ივანიშვილის მთავრობის საქციელში

„ევროპული საქართველოს“ თავმჯდომარის გიგა ბოკერიას განცხადებით, არ არსებობს წინაპირობა იმისთვის, რომ მიხეილ სააკაშვილთან დაკავშირებით ვოლოდიმირ ზელენსკის განცხადება ბიძინა ივანიშვილისა და „მისი პოლიტიკური არარაობების საქციელში“ რამეს შეცვლის.

ბოკერიას შეფასებით, „ივანიშვილისთვის მთავარი ძალაუფლების შენარჩუნებაა“.

„ვითარება, რაც სააკაშვილის გარშემოა შექმნილი და რომელსაც ხელს უწყობენ სააკაშვილის გარშემო მოკრებილი პოლიტიკური ძალები („ნაციონალური მოძრაობა“ და მისი პარტნიორები, საპარლამენტო ოპოზიცია) ივანიშვილის ძალაუფლების შენარჩუნებისთვის არის საჩუქარი, რადგან ეს მას ეხმარება საზოგადოების დემორალიზაციასა და ამ თემის მთავარ თემად შენარჩუნებაში. ეს ვერ შეიცვლება მანამ, სანამ ქვეყნის შიგნით ვითარება არ შეიცვლება“, - განაცხადა გიგა ბოკერიამ, რომლის კომენტარსაც „ევროპული საქართველოს“ პრესსამსახური ავრცელებს.

ცნობისთვის, უკრაინის პრეზიდენტი, ვოლოდიმირ ზელენსკი საქართველოს ხელისუფლებას მოუწოდებს, მიიღოს გადაწყვეტილება პატიმრობაში მყოფი ყოფილი პრეზიდენტის, მიხეილ სააკაშვილის საზღვარგარეთ სამკურნალოდ გადაყვანის შესახებ.

„მივმართავ ქართველ ხალხს, საქართველოს ხელისუფლებას - აუცილებელია გულმოწყალება, განსაკუთრებით შობის წინ. რაც ახლა მიხეილის თავს ხდება, სისასტიკეა. ეს საქართველოს არ შეეფერება. ეს უნდა შეწყდეს. გთხოვთ მიიღოთ გადაწყვეტილება, რომელიც გადაარჩენს მის სიცოცხლეს- გადაიყვანეთ მიხეილ სააკაშვილი უკრაინის ერთ-ერთ კლინიკაში, ევროპის სხვა ქვეყანაში, ამერიკაში. დროა, გადაიდგას ეს კარგი ნაბიჯი“, - აღნიშნა ზელენსკიმ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024