ნინო წილოსანი - სააკაშვილი მისი მმართველობიდან მოყოლებული დღემდე, ყველა შესაძლო გზებით აზიანებს სახელმწიფოს - ის გამოიყენება ქვეყნის წინააღმდეგ კამპანიის ერთ-ერთ ფაქტორად

მიხეილ სააკაშვილი არის ადამიანი, რომელიც მისი მმართველობიდან მოყოლებული დღემდე, ყველა შესაძლო გზებით აზიანებს სახელმწიფოს - სააკაშვილი გამოიყენება ქვეყნის წინააღმდეგ აგორებული ყველაზე ცუდი კამპანიის ერთ-ერთ ფაქტორად,- ამის შესახებ საპარლამენტო უმრავლესობის წევრმა ნინო წილოსანმა „პალიტრანიუსის“ გადაცემა „ნიუსრუმში“ განაცხადა.

მან „საზიზღრობა“ უწოდა მიხეილ სააკაშვილის ქცევას, რომელიც წილოსანის განმარტებით, იმ კადრებში ჩანს, რომელიც რამდენიმე დღის წინ გამოქვეყნდა. როგორც წილოსანმა აღნიშნა, მაშინ, როდესაც სხვა პატიმრები გაცილებით ჩაკეტილ სივრცეში იხდიან სასჯელს, მიხეილ სააკაშვილს თავისი ქცევისთვის „სინდისი უნდა აწუხებდეს“.

„ვიკავებ ხოლმე თავს პატიმართან დაკავშირებით გავაკეთო განცხადება - მესმის, რომ ეს განსაკუთრებული რეჟიმია და ყველა ის ადამიანი, ვინც პენიტენციურ სისტემაშია, მიუხედავად იმ ბრალეულობისა, რომელიც მათ აქვთ, რა თქმა უნდა, განსაკუთრებული წნეხის ქვეშ არიან, თუმცა ეს არის ადამიანი, რომელიც მისი მმართველობიდან მოყოლებული დღემდე, ყველა შესაძლო გზებით აზიანებს სახელმწიფოს. ამიტომ, ჩემი მხრიდან მის მიმართ გაკეთებული განცხადებები ან ჩემი მოსაზრებები არ მიეკუთვნება მას პირადად, არამედ მას, როგორც სახელმწიფოს წინააღმდეგ მოქმედ ადამიანს. ალბათ, ძალიან თვალნათელია ის ხელოვნურად დადგმული სცენები ან ის ხელოვნური ლობისტური კამპანიები, რაც წარმოებს მის დასაცავად. მე არ მჯერა, რომ არსებობს ადამიანი, ვინც იხილა ის კადრები, რაც რამდენიმე დღის წინ გავიდა ეთერში და პირველი, რა მოსაზრებაც არ გაუჩნდა, ეს იყო, რომ ეს არის საზიზღრობა, როგორც ის ექცეოდა სამედიცინო პერსონალს, როგორც ზოგადად იქცეოდა“,- განაცხადა წილოსანმა.

მისი თქმით, ყველა ის რეზოლუცია, რომელშიც ხაზი იყო გასმული სააკაშვილის ფაქტორზე, ძალიან დამაზიანებელი იყო ქვეყნისთვის იმის მიუხედავადაც კი, რომ წილოსანის განმარტებით, ეს იყო პოლიტიკური შეფასებები და არა ევროკავშირის წევრი ქვეყნების ოფიციალური წარმომადგენლების მხრიდან გაკეთებული განცხადებები.

„რაიმე ლოგიკაში ან ახსნაში თუ ჯდება, რომ შენი სახელმწიფოს დისკრედიტაციას ახდენ. იმ საკვანძო მომენტში, როდესაც ევროკავშირში საქართველოსთვის კანდიდატის სტატუსის მინიჭების საკითხი იხილებოდა, ამ დროს, რომც გჯეროდეს, რომ რაღაც საკითხები ცუდად ან არასწორად კეთდება, იმ საკითხების წინა პლანზე გამოტანა და ამით ქვეყნისთვის ხელის შეშლა ევროკავშირში გაწევრიანების გზაზე, არის პირდაპირ არასახელმწიფოებრივი“,- განაცხადა წილოსანმა.

კითხვაზე, მიულოცავს თუ არა სააკაშვილს დაბადების დღეს, მმართველი პარტიის წევრმა აღნიშნა, რომ მას ჯანმრთელობას უსურვებს, თუმცა პირადი დამოკიდებულებიდან გამომდინარე, ვერ მიულოცავს.

„მე ყველა ადამიანს ვუსურვებ ჯანმრთელობას. მილოცვას რაც შეეხება, ჩემი დამოკიდებულება მაქვს მიხეილ სააკაშვილის მიმართ - ეს არ არის მხოლოდ ჩემი პოლიტიკური გუნდიდან გამომდინარე, არამედ, მათ შორის არის პირადი, რომელიც ძალიან ცუდ მოგონებებს უკავშირდება მისი მმართველობისა და მისი რეჟიმის დროს არსებულ იმ სასტიკ დამოკიდებულებასთან დაკავშირებით, რომელიც როგორც ადამიანის უფლებების კუთხით, ასევე ბიზნესთან არსებობდა. ამიტომ მილოცვისგან თავს შევიკავებ“,- განაცხადა წილოსანმა.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 27.05.2024
2024 წლის ახალი ტოიოტა ლენდ კრუიზერ პრადო - სულ მალე საქართველოში
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე