იაგო ხვიჩია - სახალხო დამცველის არჩევის პროცესის ჩაშლაზე პასუხისმგებლობა შეიძლება ეკისრებოდეს როგორც ხელისუფლებას, ასევე ოპოზიციას

პარტია "გირჩის" დეპუტატის იაგო ხვიჩიას განცხადებით, ხელისუფლების იმის ნება აკლია, რომ ის სახალხო დამცველი გახდეს.

როგორც მან ჟურნალისტებს განუცხადა, "ქართული ოცნება" მის კანდიდატურას მხარს არ უჭერს.

„სახალხო დამცველობის კანდიდატი მე თვითონ გახლდით და „ქართული ოცნების“ მხარდაჭერაღა მაკლდა და მაკლია იმისთვის, რომ სახალხო დამცველი გავმხდარიყავი, ახლაც არ ვარ წინააღმდეგი ეს მხარდაჭერა მივიღო, უბრალოდ, თვითონ არ მიჭერენ მხარს", -განაცხადა ხვიჩიამ.

კითხვაზე, ვის ეკისრება პასუხისმგებლობა, იაგო ხვიჩიამ უპასუხა, რომ პროცესის ჩაშლაზე პასუხისმგებლობა შეიძლება ეკისრებოდეს როგორც ხელისუფლებას, ასევე ოპოზიციასაც.

„ზოგადად, პროცესის ჩაშლაზე ყველას შეიძლებოდა ეკისრებოდეს პასუხისმგებლობა, მაგრამ ჩემს შემთხვევაში ხელისუფლებას ეკისრება იმის გათვალისწინებით, რომ როგორც აღვნიშნე, ხელისუფლების ნება აკლია იმას, რომ მე ამირჩიონ სახალხო დამცველად. მე ვერ დამაბრალებენ შენ შლი პროცესსო, ბოლოს და ბოლოს კანდიდატი ვარ. ოპოზიციას თავისი როლი აქვს, რადგან ამ პროცესში მასაც არ გამოუხატავს ჩემს მიმართ მხარდაჭერა. მთავარი პრობლემა ის იყო, რომ ხელისუფლებაც და ოპოზიციაც დარჩნენ თავიდანვე თავიანთი ფავორიტი კანდიდატების ერთგულად და არც კი ისაუბრეს ამ პროცესში კონსენსუსზე", -განაცხადა ხვიჩიამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს