შალვა პაპუაშვილი - ყველას მადლობას გიხდით აქტიური საპარლამენტო საქმიანობისთვის და მეტად ინტენსიურ და საინტერესო მომავალი წელს გისურვებთ

ნაყოფიერი წელი გვქონდა და მინდა ყველას მადლობა გადაგიხადოთ აქტიური საპარლამენტო საქმიანობისთვის და უფრო მეტად ინტენსიური და საინტერესო მომავალი წელი გისურვოთ, - ამის შესახებ საქართველოს პარლამენტის თავმჯდომარე შალვა პაპუაშვილმა რიგგარეშე სესიის პლენარულ სხდომაზე განაცხადა.

პარლამენტის თავმჯდომარემ მიმდინარე წლის საპარლამენტო საქმიანობა შეაჯამა და დეპუტატებს 2022 წლის საპარლამენტო საქმიანობის შესახებ მიაწოდა ინფორმაცია.

„კანონშემოქმედებითი კუთხით საკმაოდ პროდუქტიული იყო ჩვენი მუშაობა. 291 კანონი მიიღო პარლამენტმა, მათ შორის, ევროკავშირის 12 რეკომენდაციის შესასრულებლად 82 კანონი მივიღეთ. რაც შეეხება საპარლამენტო ზედამხედველობას. მთავრობის წევრები 20-ჯერ იყვნენ საქართველოს პარლამენტში. 13 მინისტრის საათის ფორმატი, 7 ინტერპელაცია, რომლითაც ოპოზიციამაც აქტიურად ისარგებლა. მათ შორის, პრემიერ-მინისტრი იყო სამჯერ. 20-ზე მეტი ანგარიში მოვისმინეთ პარლამენტის წინაშე ანგარიშვალდებული ორგანოების მხრიდან, მოხდა 12 საკომიტეტო მოკვლევის ინიცირება, საიდანაც 7 უკვე დასრულებულია. ინიცირებული 4 საგამოძიებო კომისიიდან, სამწუხაროდ, არც ერთი იყო გამოტანილი სხდომაზე. რაც შეეხება ვიზიტებს, პარლამენტის თავმჯდომარის18 ვიზიტი, მუდმივმოქმედი საპარლამენტო დელეგაციების 43 ვიზიტი და მეგობრობის ჯგუფების 5 ვიზიტი იყო განხორციელებული. ჩვენ მივიღეთ 32 დელეგაცია, საიდანაც 4 პარლამენტის თავმჯდომარის ხელმძღვანელობით შედგა.

გახსნილობის კუთხითაც გეტყვით, რომ პარლამენტმა 300-მდე ჯგუფს უმასპინძლა. 5300-ზე მეტი ვიზიტორი გვყავდა, მათ შორის, სხდომათა დარბაზში. 4900 სკოლის მოსწავლე და სტუდენტი იყო, რომელიც წელს ეწვია პარლამენტს და მის საქმიანობას გაეცნო“,-განაცხადა შალვა პაპუაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი