ირაკლი კობახიძე - პრეზიდენტმა შეგნებულად არ წარმოადგინა ცესკოს მოქმედი თავმჯდომარე და ორი მოქმედი წევრი მიუხედავად იმისა, რომ ამ ადამიანებმა ღირსეულად, ყოველგვარი ნაკლის გარეშე ჩაატარეს არჩევნები

პრეზიდენტმა შეგნებულად არ წარმოადგინა ცესკოს მოქმედი თავმჯდომარე და ორი მოქმედი წევრი მიუხედავად იმისა, რომ ამ ადამიანებმა ძალიან ღირსეულად, ყოველგვარი ნაკლის გარეშე ჩაატარეს ადგილობრივი თვითმართველობის არჩევნები,- ამის შესახებ „ქართული ოცნების“ თავმჯდომარე, ირაკლი კობახიძემ ჟურნალისტებს განუცხადა.

მან განმარტა, თუ რატომ არ დაუჭირეს ცენტრალური საარჩევნო კომისიის თავმჯდომარეობის თანამდებობაზე პრეზიდენტის მიერ წარმოდგენილ კანდიდატებს მხარი და აღნიშნა, რომ მმართველ გუნდს სხვა გზა არ ჰქონდა.

„ასეთ დროს, ჩვენ სხვა გზა არ გვქონდა, ჩვენ მხარი არ დავუჭირეთ არცერთ კანდიდატს სწორედ იმის გამო, რომ პრეზიდენტმა უარი თქვა მოქმედი თავმჯდომარის და მოქმედი წევრების წარმოდგენაზე. როდესაც თავმჯდომარე, წევრები სათანადოდ და ღირსეულად ატარებენ საყოველთაო არჩევნებს და ამის შემდეგ მათ ყოველგვარი მიზეზის გარეშე უარს ეუბნებიან წარდგენაზე, ბუნებრივია, ჩვენი ვალდებულებაა, დავიცვათ სათანადოდ ეს პოზიცია და მხარი არ დავუჭიროთ სხვა კანდიდატებს სწორედ იმის გამო, რომ ჩვენ ამ კანდიდატების მიმართ უსამართლობა ვიხილეთ", - განაცხადა კობახიძემ.

ცნობისთვის, საქართველოს პარლამენტის იურიდიულ საკითხთა კომიტეტმა ცესკოს თავმჯდომარის თანამდებობაზე პრეზიდენტის მიერ წარდგენილ კანდიდატებს თამარ ალფაიძესა და რევაზ ეგაძეს მხარი არ დაუჭირა. ამასთან, იურიდიულმა კომიტეტმა არც ცესკოს წევრის ვაკანტურ თანამდებობებზე ასარჩევად წარდგენილ გიორგი მარსაგიშვილის, ნათია წიპტაურის, ლევან ისაკაძისა და ქრისტინე ქაჯაიას კანდიდატურებს დაუჭირა მხარი.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024