ადამიანი ყოველდღიურად მძიმდება, ეს არის ფაქტი, რაც არ უნდა თქვას კობახიძემ და ივანიშვილმა. რა მნიშვნელობა აქვს, რას იტყვიან ისინი?! - ამის შესახებ “ნაციონალური მოძრაობის” თავმჯდომარემ ნიკა მელიამ ჟურნალისტებს თბილისის საქალაქო სასამართლოში განუცხადა, როდესაც მიხეილ სააკაშვილის მდგომარეობაზე ისაუბრა.
მელიას თქმით, თავის თანაგუნდელებისგან, რომელთაც მიხეილ სააკაშვილის მონახულების შესაძლებლობა აქვთ, კიდევ უფრო მძიმე რეალობის შესახებ სმენია.
„რა თქმა უნდა, მათ მიერ გამოტანილ ცნობებს “ვივამედის” საავადმყოფოდან მთლიანად ვენდობი. ტექნიკური შესაძლებლობები, რომლის მეშვეობითაც დღეს მიხეილ სააკაშვილი საზოგადოების წინაშე წარსდგა, უკეთესის იმედს ტოვებს. მერწმუნეთ, აქ მყოფი ნებისმიერი ოპერატორი და მისი კამერა რომ მუშაობდეს დღეს, “ვივამედის” საავადმყოფოში და ჰქონდეს მიხეილ სააკაშვილთან ინტერაქციის შესაძლებლობა, კიდევ უფრო მძიმე სანახავი იქნებოდა. ადამიანი ყოველდღიურად მძიმდება, ეს არის ფაქტი, რაც არ უნდა თქვას კობახიძემ და ივანიშვილმა, რა მნიშვნელობა აქვს, რას იტყვიან ისინი?! ფაქტი არის ჯიუტი და ამ ფაქტების შეფასებაში და კონსტატირებაში გაჯიუტებას ისინი მუდმივად სათავისოდ აპირებენ, მაგრამ მადლობა ღმერთს, საზოგადოების დიდი ნაწილი აფასებს რეალობას ისე, როგორც აფასებს”,- აცხადებს მელია.
