ქუთაისის მუნიციპალიტეტის მერიასა და ქუთაისის საერთაშორისო უნივერსიტეტს შორის ურთიერთთანამშრომლობის მემორანდუმი გაფორმდა

ქუთაისის მუნიციპალიტეტის მერიასა და ქუთაისის საერთაშორისო უნივერსიტეტს შორის ურთიერთთანამშრომლობის მემორანდუმი გაფორმდა. ამის შესახებ ინფორმაციას ქუთაისის მერია ავრცელებს.

მერიის ცნობით, მემორანდუმის მიზანია მერიამ და უნივერსიტეტმა ითანამშრომლონ სხვადასხვა საგანმანათლებო, სამეცნიერო, სტუდენტური ცხოვრების, კულტურული და რეგიონში ინოვაციების ეკოსისტემის განვითარების მიმართულებით ერთობლივი ღონისძიებების განსახორციელებლად.

მემორანდუმს ხელი მოაწერეს ქუთაისის მერმა იოსებ ხახალეიშვილმა და KIU -ს რექტორმა ალექსანდრე თევზაძემ.

იოსებ ხახალეიშვილის თქმით, ქუთაისის საერთაშორისო უნივერსიტეტი დიდი შენაძენია არა მხოლოდ ჩვენი ქალაქისთვის, არამედ მთელი ქვეყნისთვის.

„უნივერსიტეტი არ არის მხოლოდ განათლების ცენტრი, ის განვითარების ცენტრიცაა, რომელზეც უკვე მნიშვნელოვნადაა დამოკიდებული ქუთაისის შემდგომი განვითარება.

ჩვენ მემორანდუმის გაფორმებამდეც აქტიური თანამშრომლობა გვქონდა. მემორანდუმი კიდევ უფრო ეფექტურს გახდის ამ ურთიერთობას. თანამშრომლობის ფარგლებში უნივერსიტეტის სტუდენტები შეძლებენ პრაქტიკის გავლას მერიაში, სტუდენტების ჩართულობით შეიქმნება ერთობლივი სტარტაპ-პროექტები, უზრუნველვყოფთ სტუდენტების ჩართვას მერიის სხვადასხვა პროგრამაში; განხორციელდება ერთობლივი პროექტები, მათ შორის, ინოვაციების ეკოსისტემის განვითარების მიმართულებით. ქუთაისის საერთაშორისო უნივერსიტეტთან პარტნიორობით ქალაქს განვითარების ფართო არეალი ექნება“, - განაცხადა იოსებ ხახალეიშვილმა.

ამასთან, ინფორმაციაში აღნიშნულია, რომ ქუთაისის საერთაშორისო უნივერსიტეტის მათემატიკისა და კომპიუტერული მეცნიერების სკოლის შემაჯამებელი ღონისძიება გაიმართა. ქალაქის მერმა უნივერსიტეტის ხელმძღვანელ პირებთან ერთად სპეციალური პრიზებითა და სერტიფიკატებით დააჯილდოვა ამავე სკოლის წარმატებული და აქტიური სტუდენტები.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი