კასპის მუნიციპალიტეტში, სოფელ ნოსტეში მკვლელობა მოხდა. არსებული ინფორმაციით, მკვლელობას უძღოდა ნათესავებს შორის საყოფაცხოვრებო ნიადაგზე მომხდარი დაპირისპირება.

მეზობლების თქმით, 80 წელს გადაცილებულ მამაკაცს და მის ძმისცოლს, 70 წლის ქალს უთანხმოება ოჯახის კუთვნილი მიწის ნაკვეთის თაობაზე ჰქონდათ.

თვითმხილველთა ინფორმაციით, სიტყვიერი დაპირისპირებისას, ხანდაზმულმა მამაკაცმა ცეცხლსასროლი იარაღიდან გასროლა განახორციელა, რასაც რძლის მკვლელობა მოჰყვა.

შსს-ს ინფორმაციით, დაკავებულია 1 პირი, გამოძიება სსკ-ის 108-ე მუხლით (განზრახ მკვლელობა) მიმდინარეობს.