პაატა მანჯგალაძე - მივმართავ პრეზიდენტ სალომე ზურაბიშვილს - ლაპარაკის ნაცვლად გადავიდეთ საქმეზე!

მივმართავ პრეზიდენტ სალომე ზურაბიშვილს - ლაპარაკის ნაცვლად გადავიდეთ საქმეზე! - ამის შესახებ „სტრატეგია აღმაშენებლის“ დეპუტატმა, პაატა მანჯგალაძემ საქართველოს მესამე პრეზიდენტთან დაკავშირებით საუბრისას განაცხადა და სალომე ზურაბიშვილს მიხეილ სააკაშვილის შეწყალებისკენ მიუთითა.

მისივე თქმით, გუშინ დადასტურდა ის საშინელი, მძიმე რეალობა, რომ 8 თვის მკურნალობის შედეგად, მიხეილ სააკაშვილი ძალიან მძიმე მდგომარეობაშია.

„ვიზუალურადაც ეტყობა, რომ ის ძალიან მძიმედ არის. ამერიკელმა ექსპერტმა ილაპარაკა, რომ პრეზიდენტს სასწრაფოდ სამკურნალოდ გადაყვანა სჭირდება, რადგან არ არის სრულად დასმული დიაგნოზები და შესაბამისად, ვერ ხერხდება მკურნალობა. ძირითად დაავადებებთან დაკავშირებით, რაც არის, სრულფასოვნად არ არის ჩატარებული კვლევა. ამიტომ სპეკულაციაა „ქართული ოცნების“ მხრიდან, თითქოს სიმულაციას აქვს ადგილი. როგორ შეიძლება ადამიანმა სიმულაციით 50 კილოგრამი დაიკლო?! არ არსებობს სიმულაციით 50 კილოგრამის დაკლების შესაძლებლობა და მე ვეთანხმები და ვეხმიანები იმ წერილს, რომელიც ადამიანების ჯგუფმა გამოაქვეყნა, მათ შორის პრეზიდენტ მარგველაშვილმა, რომ მიხეილ სააკაშვილს ნამდვილად უნდა აღმოვუჩინოთ დახმარება და საზღვარგარეთ გადავიყვანოთ. მივმართავ პრეზიდენტ სალომე ზურაბიშვილს - ქალბატონო სალომე, ექსპერტულ შეფასებებს დავანებოთ თავი, ყველამ იცის რა არის ევროპული დემოკრატია, ყველამ იცის რისი უფლება აქვს პრეზიდენტს და ლაპარაკის ნაცვლად გადავიდეთ საქმეზე!“ - განაცხადა პაატა მანჯგალაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024