ზუგდიდის მერია - მსხვილი ინფრასტრუქტურული პროექტების განხორციელება აქტიურად მიმდინარეობს

„სოფლის მხარდაჭერის პროგრამის“ ფარგლებში, ადმინისტრაციულ ერთეულებში სხვადასხვა ინფრასტრუქტურული პროექტი ხორციელდება.

როგორც ზუგდიდის მუნიციპალიტეტის მერიის მიერ გავრცელებულ ინფორმაციაშია ნათქვამი, ზუგდიდის მუნიციპალიტეტის მერი მამუკა წოწერია, მერის მოადგილე ბესიკ ჭეჟია, მაჟორიტარი დეპუტატები სოსო გოგოხია, ჯონი ჯიქია და ზედამხედველობის სამსახურის წარმომადგენლები, ოდიშში, ჩხოუშში, ჭკადუაშში, კორცხელში, ჭაქვინჯში, ყულიშკარსა და ალერტკარში მიმდინარე და დასრულებულ პროექტებს გაეცნენ.

„აღნიშნული პროგრამის ფარგლებში ჩხოუშსა და ოდიშში სკვერის მოწყობა განხორციელდა; ოდიშში, კ.გამსახურდიას ქუჩაზე და ვაჩნაძის I, II, III ჩიხებში გარე განათება მოეწყო; გარე განათება მოეწყო კორცხელშიც; ჭკადუაშში, ზედა სამანიოსა და ზედა სანაჭყებიოში მოსაცდელების მოწყობა მიმდინარეობს; მოსაცდელი ეწყობა ჯიხაშკარშიც. ბაშსა და ჩოუშში საბავშვო ბაღის ფასადის რეაბილიტაცია მიმდინარეობს; ყულიშკარსა და ალერტკარში წისქვილები შენდება. ,,სოფლის მხარდაჭერის პროგრამით“ ამ ეტაპზე 48 პროექტია დასრულებული.

ადგილობრივი ხელისუფლების წარმომადგენლები, ბაღმარანის უბანში წყალმომარაგების სამუშაოებსაც გაეცნენ. სამუშაოები საქართველოს რეგიონებში განსახორციელებელი პროექტების ფონდისა და ადგილობრივი ბიუჯეტის დაფინანსებით ხორციელდება და მისი ღირებულება 979 970 ლარია. პროექტის განხორციელებით 130 ოჯახს წყალმომარაგების პრობლემა მოუგვარდება.

მერი, ყულიშკარში საბავშვო ბაღის რეაბილიტაციის პროცესსაც გაეცნო. საბავშვო ბაღის რეაბილიტაცია დასკვნით ეტაპზეა. შეიცვალა სახურავი და რეაბილიტაცია უტარდება ოთახებს. პროექტი ადგილობრივი ბიუჯეტის დაფინანსებით ხორციელდება და მისი ღირებულება 65 253 ლარია”, - ნათქვამია გავრცელებულ ინფორმაციაში.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს