გიორგი ტყემალაძე - ოპოზიციონერი კოლეგების მიერ დადგმული გარკვეული სპექტაკლი კარგი სანახავი არ არის - ზოგადად, ამ ინციდენტს მოჰყვა შესაბამისი რეაგირება უმრავლესობის მხრიდან

ვფიქრობ, ოპოზიციონერი კოლეგების მიერ დადგმული გარკვეული სპექტაკლი კარგი სანახავი არ არის. ზოგადად, ამ ინციდენტს მოჰყვა შესაბამისი რეაგირება უმრავლესობის მხრიდან, -ამის შესახებ თბილისის საკრებულოს თავმჯდომარე, გიორგი ტყემალაძემ ჟურნალისტებს განუცხადა. მან თბილისის საკრებულოს სხდომაზე მომხდარი ფაქტი შეაფასა, როდესაც "ნაციონალურმა მოძრაობამ" ბანერი გამოფინა წარწერით: "თავისუფლება მიშას".

ამასთან, გიორგი ტყემალაძემ იმ საკითხებზე გაამახვილა ყურადღება, რომელიც დღევანდელ სხდომაზე განიხილებოდა.

"მნიშვნელოვანი არის ის, თუ რა საკითხები მივიღეთ დღეს ჩვენ საკრებულოს სხდომაზე. კიდევ მოხდა 2022 წლის ბიუჯეტის ზრდა. მნიშვნელოვანია კიდევ მონაცვლეობა. ძალიან ბევრი ჩვენი თანამოქალაქე აპროტესტებდა იმას, რომ ვაკის პარკში სასტუმროს მშენებლობა არ განხორციელებულიყო. ჩვენ დღეს შეგვიძლია ვთქვათ, რომ ოფიციალურად დასრულდა ეს პროცესი, ვაკის პარკის ტერიტორია ოფიციალურად დაუბრუნდა თბილისის მუნიციპალიტეტს. შესაბამისად, მოხდება ამ სივრცის სარეკრეაციო მიზნით განვითარება. ასევე, მნიშვნელოვანია ის, რომ მოლაპარაკება, რომელიც კერძო მესაკუთრესთან შედგა, მომგებიანია იმ შეფასებებით, რაც თავიდან იყო განსაზღვრული საპრივატიზაციო თანხად", - განაცხადა ტყემალაძემ.

ცნობისთვის, თბილისის საკრებულოს დღევანდელი სხდომა ხმაურით გაიხსნა. ერთმანეთს "ქართული ოცნებისა" და "ნაციონალური მოძრაობის" წარმომადგენლები დაუპირისპირდნენ. კამათი ექსპრეზიდენტ მიხეილ სააკაშვილის ჯანმრთელობის მდგომარეობის საკითხს მოჰყვა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი