„ნაციონალური მოძრაობის" დეპუტატმა, ოზურგეთის საკრებულოში მომხდარი დაპირისპირების გამო, პროკურატურას გამოძიების მოთხოვნით მიმართა

„ნაციონალური მოძრაობის" წევრმა, ოზურგეთის საკრებულოს დეპუტატმა, თათია ნიკოლაიშვილმა პროკურატურას განცხადებით მიმართა.

ნიკოლაიშვილი გუშინ ოზურგეთის საკრებულოში განვითარებულ მოვლენებზე ობიექტურ გამოძიებას მოითხოვს.

მისი თქმით, ნებისმიერი სახის ძალადობაზე შესაბამისმა უწყებამ სათანადო რეაგირება უნდა მოახდინოს.

„გუშინ, საკრებულოს სხდომაზე ვიხილეთ სახედაკარგული „ქოც-ზონდერ“ ქალბატონები, რომლებიც გადაფარებული იყვნენ მერს. ძალიან მძიმე სანახავი იყვნენ ეს ადამიანები, რადგან ფიზიკურ შეურაცხყოფაზე გადმოვიდნენ. მაქვს დაზიანებებიც. ფიზიკურ ძალადობას ჰქონდა ადგილი და ამასთანავე იყო „მუხლებზე გადამტვრევის“ მუქარა. შემაქვს განცხადება პროკურატურაში. ეს არის არის არა მარტო ჩემთვის გაკეთებული, არამედ ეს არის ყველა იმ ოპოზიციურად განწყობილი ადამიანისთვის, ვისაც არ უნდა ეშინოდეს, თუ ის თავის პროტესტს გამოხატავს და რაიმეს იტყვის მას ფიზიკურად გაუსწორდებიან და მუქარას განახორციელებენ მასზე. როცა ქალზე ძალადობაზეა საუბარი არ შეიძლება ფაქტი რეაგირების გარეშე დარჩეს. ძალადობა ყოვლად მიუღებელია”, - განაცხადა ნიკოლაიშვილმა.

შეგახსენებთ, რომ გუშინ, ოზურგეთის საკრებულოს სხდომაზე მმართველი პარტიის ქალი დეპუტატები ,,ნაციონალური მოძრაობის“ წევრს თათია ნიკოლაიშვილს სიტყვიერად და ფიზიკურად დაუპირისპირდნენ. დაპირისპირების მიზეზი ოპოზიციონერი დეპუტატების მიერ მიხეილ სააკაშვილის მდგომარეობის ამსახველი ფოტოების მიტანა და მისი პატიმრობაში ყოფნის გაპროტესტება გახდა, რასაც „ქართული ოცნების“ დეპუტატების გაღიზიანება მოჰყვა.

ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
ქართული პრესის მიმოხილვა 20.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა