თელავის მუნიციპალიტეტის მერმა, ლევან ანდრიაშვილმა, პატარებთან ერთად ქალაქის მთავარი ნაძვის ხე საზეიმოდ აანთო.

ამის შესახებ ინფორმაციას თელავის მუნიციპალიტეტის მერია ავრცელებს.

ნაძვის ხის პარალელურად, საახალწლო ილუმინაციებით მორთული ქალაქის ცენტრალური ქუჩებიც განათდა.

„თელავის ცენტრალურ მოედანზე ადგილობრივი მუსიკალური სტუდიების შემსრულებლების მონაწილეობით საახალწლო კონცერტი გაიმართა.

ღონისძიება კი ქუჩის თეატრის მრავალფეროვანი საცირკო სანახაობით და ფოიერვერკით დასრულდა”, - ნათქვამია თელავის მერიის მიერ გავრცელებულ ინფორმაციაში.