გარდაბნის მუნიციპალიტეტში, მარტყოფის ადმინისტრაციულ ერთეულში „ერისიონის“ საახალწლო კონცერტი გაიმართა
25 დეკემბერს გარდაბნის მუნიციპალიტეტში, მარტყოფის ადმინისტრაციულ ერთეულში „ერისიონის“ საახალწლო კონცერტი გაიმართა.
როგორც გარდაბნის მუნიციპალიტეტის მერიის მიერ გავრცელებულ ინფორმაციაშია ნათქვამი, საქართველოს კულტურის, სპორტისა და ახალგაზრდობის სამინისტროს ორგანიზებითა და გარდაბნის მუნიციპალიტეტის მერიის მხარდაჭერით, მაყურებლის წინაშე საქართველოს სიმღერისა და ცეკვის სახელმწიფო აკადემიური ანსამბლი ,,ერისიონი” განახლებული შოუ-პროგრამით ,,ქართული საგანძური" წარდგა.
„წინასაახალწლოდ ამაღლებული განწყობის შესაქმნელად, ანსამბლმა მაყურებელს ჩვენი ქვეყნის ყველა კუთხის ის ხალხური პროფესიული შემოქმედების შედევრები გაუცოცხლა, რომელთაც საუკუნეებს გაუძლეს.
საღამოს გარდაბნის მუნიციპალიტეტის მერი, დავით კარგარეთელი, ქვემო ქართლში სახელმწიფო რწმუნებულის მოადგილეები, ილია ჯალაღანია, ნიკა კობახიძე და ადგილობრივი თვითმმართველობის წარმომადგენლები დაესწრნენ“,- ნათქვამია ინფორმაციაში.
