პაატა მანჯგალაძე - ვიცი, რომ პრეზიდენტი ნაწყენია, მაგრამ ბუტია ბავშვივით ბაღში ხომ არაა?! - შეიწყალოს სააკაშვილი და გვარამია, ეს იქნება ეროვნული თანხმობისკენ გადადგმული დიდი ნაბიჯი და საქმე ლაპარაკის ნაცვლად

„სტრატეგია აღმაშენებლის“ დეპუტატი პაატა მანჯგალაძე საქართველოს პრეზიდენტს სალომე ზურაბიშვილს, ქვეყნის მესამე პრეზიდენტის მიხეილ სააკაშვილისა და „მთავარი არხის“ დამფუძნებლის ნიკა გვარამიას შეწყალებისკენ მოუწოდებს.

როგორც მან ჟურნალისტებს განუცხადა, ეს იქნება ეროვნული თანხმობისკენ გადადგმული ნაბიჯი.

„მივმართავ სალომე ზურაბიშვილს, ის არის ემიგრანტების შთამომავალი, მისმა წინაპრებმა ძალიან დიდი როლი შეასრულეს საქართველოს განვითარებისთვის. თუ უნდა თავისი ღირსეული წინაპრების ადგილას დაიმკვიდროს თავი, მხოლოდ განცხადებებით ეს ვერ მოხდება, მან უნდა გადადგას ნაბიჯები. ორი რამ აქვს გასაკეთებელი, სასწრაფოდ შეიწყალოს მიხეილ სააკაშვილი და სასწრაფოდ შეიწყალოს ნიკა გვარამია. ეს იქნება ეროვნული თანხმობისკენ გადადგმული დიდი ნაბიჯი და საქმე ლაპარაკის ნაცვლად.

თუ მას აქვს პრეტენზია იმაზე, რომ არის პრეზიდენტი, როცა შევხვდი მითხრა, რომ უნდა ქვეყნისთვის რაღაც ისეთი გააკეთოს, უნდა გადადგას გაბედული ნაბიჯები. მოლოდინი არ მაქვს, მაგრამ როგორც ამ ქვეყნის ერთი რიგითი მოქალაქე ვთხოვ, რომ საქართველოსთვის, საქართველოს თითოეული მოქალაქის ინტერესისთვის, დეპოლარიზებისთვის, თანხმობისთვის აუცილებელია, რომ ერთმანეთისკენ გადავდგათ ნაბიჯები და არა საწინააღმდეგო მიმართულებით. ამიტომ სალომე ზურაბიშვილს აქვს კარგი მექანიზმი და ბერკეტი შეიწყალოს მიხეილ სააკაშვილი და ნიკა გვარამია და გარწმუნებთ, რომ ეს ნამდვილად იქნება ეროვნული თანხმობისთვის გადადგმული ნაბიჯი. ვიცი, რომ გაბრაზებულია, ნაწყენია, პრეზიდენტი ახლა ბუტია ბავშვივით ბაღში ხომ არაა?! სახელმწიფო მნიშვნელობის გადაწყვეტილება აქვს მისაღები. ვურჩევდი მას, რომ ასეთი გადაწყვეტილება მიეღოს“, - განაცხადა მანჯგალაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024