შალვა პაპუაშვილი პატრიარქის აღსაყდრების 45 წლის იუბილეზე - იმედგაცრუებული ვარ, რომ ასეთ მნიშვნელოვან მომენტს და თარიღს გუშინ ე.წ. ელიტა არ გამოეხმაურა

იმედგაცრუებული ვარ, რომ ასეთ მნიშვნელოვან მომენტს და თარიღს გუშინ ე.წ. ელიტა არ გამოეხმაურა, - ამის შესახებ პარლამენტის თავმჯდომარემ, შალვა პაპუაშვილმა საქართველოს კათოლიკოს-პატრიარქის აღსაყდრების 45 წლის იუბილესთან დაკავშირებით აღნიშნა.

მისივე თქმით, 25 დეკემბერი ისტორიული დღე იყო საქართველოს ისტორიისთვის.

„გუშინ მართლაც ისტორიული დღე იყო როგორც საქართველოს ეკლესიის ისტორიისთვის, ასევე საქართველოსთვისაც. აღვნიშნავდით პატრიარქის აღსაყდრებიდან 45 წლის იუბილეს. საქართველოს კათოლიკოს- პატრიარქი ილია მეორე არის პატრიარქი, რომელიც ყველაზე დიდი ხანია უძღვება ქართულ ეკლესიას. მნიშვნელოვანი ისტორიული მოვლენა იყო და გამიკვირდა ბევრი ოპოზიციიდან თუ სხვა ე.წ. ელიტიდან არც კი გამოეხმაურა ამ საკითხს. ეს არ არის მხოლოდ ისტორიის ან რელიგიის საკითხი, ეს არის ჩვენი სახელმწიფოებრივი საკითხი, ვინაიდან ქართულ ეკლესიას კონსტიტუციითაც კი აღიარებული აქვს განსაკუთრებული როლი ჩვენს ისტორიასა და ასევე ჩვენს თანამედროვეობაში.

რა თქმა უნდა, იმედგაცრუებული ვარ, რომ ასეთ მნიშვნელოვან მომენტს და თარიღს გუშინ ე.წ. ელიტა არ გამოეხმაურა“, - განაცხადა შალვა პაპუაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024