სხვადასხვა მოწვევის პარლამენტის წევრები - მივმართავთ მეხუთე პრეზიდენტს, გამოიყენოს კონსტიტუციით მინიჭებული უფლება, მიხეილ სააკაშვილის გადასარჩენად

"საქართველოს პარლამენტართა საზოგადოება", სხვადასხვა მოწვევის პარლამენტის წევრები მიმართავენ საქართველოს პრეზიდენტს სალომე ზურაბიშვილს გამოიყენოს კონსტიტუციით მინიჭებული უფლება, მიხეილ სააკაშვილის გადასარჩენად.

შესაბამისი წერილი მედიას პოლიტიკოსებმა ორბელიანზე, პრეზიდენტის სასახლესთან გამართულ ბრიფინგზე საქართველოს მე-6 მოწვევის პარლამენტის წევრმა, მანანა ჯებაშვილმა გააცნო.

დოკუმენტს სხვადასხვა მოწვევის პარლამენტის 65 წევრი აწერს ხელს.

როგორც წერილშია ნათქვამი, საქართველოს მესამე პრეზიდენტი, მსოფლიო რანგის სახელმწიფო მოღვაწე, დღეს პუტინის ტყვეა.

"დღეს "საქართველოს პარლამენტართა საზოგადოება", სხვადასხვა მოწვევის პარლამენტის წევრები შევიკრიბეთ. ჩვენ პრეზიდენტ სალომე ზურაბიშვილს წერილით მივმართავთ და მე მის შინაარსს გაგაცნობთ:

საქართველოს მესამე პრეზიდენტი, მსოფლიოს რანგის სახელმწიფო მოღვაწე დღეს საქართველოს მტრის, პუტინის ტყვეა. ცენტრ "ემპათიას" სასამართლო საექსპორტო კომისიამ, ათი ქართველი და ექვსი საერთაშორისო ექსპერტის მონაწილეობით, მიხეილ სააკაშვილის სამედიცინო ექსპერტიზა ჩაატარა. ასევე, სახალხო დამცველის შექმნილმა კონსილიუმმაც შეაფასა მესამე პრეზიდენტის მდგომარეობა. დასკვნების საფუძველზე, პაციენტს ფსიქო-ნევროლოგიური, ორთოპედიული და გასტროენტეროლოგიური დაავადებები აქვს. ექსპერტების მკაცრი რეკომენდაციაა, პაციენტი სააკაშვილი უცხოეთის მაღალტექნოლოგიურ კლინიკაში სასწრაფოდ გადაიყვანონ. სასამართლოში სააკაშვილის პროცესის განხილვა ჭიანურდება, პაციენტს კი დრო ეწურება. ჩვენ, საქართველოს პარლამენტართა საზოგადოება, თავს მეორედ ვერ მივცემთ უფლებას, პრეზიდენტი მოგვიკლან. შუალედური პოზიცია არ არსებობს. დუმილი კლავს! საქართველოს ეროვნული ინტერესებიდან გამომდინარე, მივმართავთ საქართველოს მეხუთე პრეზიდენტს, გამოიყენოს კონსტიტუციით მინიჭებული უფლება, მიხეილ სააკაშვილის გადასარჩენად", - ნათქვამია წერილში, რომელიც პრეზიდენტის სასახლესთან მანანა ჯებაშვილმა წარადგინა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი