რუსთავის ბაგა-ბაღების 6100 აღსაზრდელი, ქალაქის მერიისგან საახალწლო საჩუქარს მიიღებს

რუსთავის ბაგა-ბაღების გაერთიანების 6100 აღსაზრდელი, საშობაო არდადეგების დაწყებამდე, ქალაქის მერიისგან, საჩუქარს მიიღებს. ინფორმაციას ამის შესახებ რუსთავის მერია ავრცელებს.

მათი ინფორმაციით, პატარებისთვის საჩუქრების დარიგება, რუსთავის ბაგა-ბაღების გაერთიანების 23-ვე ფილიალში დღეს დაიწყო და არდადეგების დაწყებამდე დასრულდება.

„პატარებისთვის საახალწლო საჩუქრების გადაცემის პროცესს რუსთავის მერი ნინო ლაცაბიძე დღეს #22 და #23-ე ბაგა-ბაღებში დაესწრო. ნინო ლაცაბიძემ, საკრებულოს ფრაქცია ,,ქართული ოცნების“ წევრებთან ერთად, ბავშვებს დამდეგი შობა-ახალი წელი მიულოცა და საახალწლო ღონისძიებას დაესწრო.

,,წელს, განსაკუთრებულად შევეცადეთ, რომ ჩვენი პატარებისთვის ქალაქში სადღესასწაულო განწყობა ყოფილიყო. ყველა საბავშვო ბაღში ნაძვის ხე საზეიმოდ ავანთეთ და 6100 ბავშვს საახალწლო საჩუქრები დავურიგეთ, რაც უკვე მეორე წელია ჩვენს ქალაქში ტრადიციად იქცა“, - განაცხადა რუსთავის მერმა ნინო ლაცაბიძემ.

რუსთავის ბაგა-ბაღების აღსაზრდელების სადღესასწაულო ტკბილეულით დასაჩუქრების ტრადიცია, ქალაქის მერი ნინო ლაცაბიძის ინიციატივით, გასულ წელს აღდგა.

,,დღეს და ხვალ, რუსთავის 23-ვე ბაგა-ბაღის აღსაზრდელები, 6000-ზე მეტი პატარა მიიღებს საახალწლო საჩუქრებს რუსთავის მერიისგან. ძალიან მნიშვნელოვანი და კარგია, რომ ეს ტრადიცია აღდგა და გასული წლის მსგავსად, წელსაც მუნიციპალიტეტისგან მოხდება ბავშვების დასაჩუქრება“, - განაცხადა რუსთავის საკრებულოს ,,ფრაქცია ქართული ოცნების“ თავმჯდომარის მოადგილე მარი ლიპარტელიანმა.

რუსთავის ბაგა-ბაღების გაერთიანების ყველა ფილიალში, სადღესასწაულო საჩუქრები საშობაო არდადეგების დაწყებამდე დარიგდება”, - ნათქვამია რუსთავის მერიის ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024