ხობში მეზობელმა მეზობელი დაჭრა. არსებული ინფორმაციით, 50 წლამდე მამაკაცს ჭრილობები ცივი იარაღით აქვს მიყენებული. დაჭრილი ზუგდიდის რეფერალურ ჰოსპიტალშია მოთავსებული.

ექიმების ინფორმაციით, მის სიცოცხლეს საფრთხე არ ემუქრება.

დაჭრის ფაქტი გუშინ მოხდა. დანაშაულში ეჭვმიტანილი პირი პოლიციამ უკვე დააკავა.

შსს ინფორმაციით, მომხდარზე გამოძიება სისხლის სამართლის კოდექსის 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს.