ფოთში, ქალაქის მთავარ მოედანზე, საახალწლო ღონისძიებები ყოველდღე იმართება, - ამის შესახებ ინფორმაციას ფოთის მერია ავრცელებს.

მათი ცნობით, მოედანზე მისულ მაყურებელს შეუძლია დაესწროს კონცერტებს, საბავშვო და გასართობ ღონისძიებებს, მონაწილეობა მიიღოს გამოფენა-გაყიდვებში.

„ფოთში საახალწლო დღეები 23 დეკემბრიდან ანსამბლ „ალილოს“ და ჯგუფ „გუფი ლენდის“ - საკონცერტო პროგრამით გაიხსნა. ღონისძიებები 31 დეკემბრის ჩათვლით ჩატარდება. საახალწლო პროგრამები ყველა თაობის ადამიანისთვის არის გათვლილი.

შობას, 7 იანვარს კი პრემიერ-მინისტრის ინიცირებითა და მთავრობის ორგანიზებით საახალწლო-საშობაო ღონისძიება გაიმართება“,- ნათქვამია ინფორმაციაში.