კახა კალაძე - არანაირი კრიტიკული მდგომარეობა არაა, ეს არის დადგმული სპექტაკლები, რომლის მთავარი შემოქმედი მიხეილ სააკაშვილი გახლავთ - თუ მას პრეზიდენტი შეიწყალებს, ეს ძალიან მძიმე იქნება პირადად მისი კარიერისთვის

საერთოდ ყველაფერი დადგმულია - მისი შემოტანა როგორც განუბაჟებელი საქონელი, დაწყებული აქედან, გაგრძელებული იმ შოუებით და კონცერტებით, რასაც დღეს ჩვენ ვუყურებთ, - ამის შესახებ თბილისის მერმა კახა კალაძემ ყოფილ პრეზიდენტზე მიხეილ სააკაშვილზე საუბრისას განაცხადა.

მისი თქმით, თუ პრეზიდენტი სალომე ზურაბიშვილი მიხეილ სააკაშვილს შეიწყალებს - ეს პირადად მისთვის და მისი კარიერისთვის უმძიმესი იქნება.

„არანაირი კრიტიკული მდგომარეობა არ არსებობს, ეს არის მიზანმიმართული დადგმული სპექტაკლები, რომლის მთავარი შემოქმედი და მონაწილე გახლავთ მიხეილ სააკაშვილი. საერთოდ ყველაფერი დადგმულია - მისი შემოტანა როგორც განუბაჟებელი საქონელი დაწყებული აქედან, გაგრძელებული იმ შოუებით და კონცერტებით, რასაც დღეს ჩვენ ვუყურებთ. ეს არის მიზანმიმართული, დადგმული სპექტაკლები, რომელსაც ჰყავს თავისი აქტორები, იმართება სხვადასხვა ქვეყნიდან, გაფორმებულია სხვადასხვა კონტრაქტი და ხელშეკრულება იმასთან დაკავშირებით, თუ როგორ წარიმართოს პიარ-კამპანია. ყველა დამნაშავემ, ვისაც დანაშაული აქვს ჩადენილი უნდა აგოს პასუხი კანონის წინაშე. პრეზიდენტის გადასაწყვეტია, თუმცა თუ პრეზიდენტი მიიღებს ამ გადაწყვეტილებას, დარწმუნებული ვარ ეს იქნება ძალიან მძიმე პირადად მისთვის და ზოგადად მისი კარიერისთვის. ეს იქნება უმძიმესი გადაწყვეტილება მე არ ვიცი ეს ალბათ პრეზიდენტს უნდა ჰკითხოთ", - განაცხადა კალაძემ.

დედაქალაქის მერი ასევე, 4 იანვარს დაგეგმილ აქციებს გამოეხმაურა და აღნიშნა, რომ ესეც სპექტაკლის ნაწილია.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა