ალეკო ელისაშვილი - პატივი უნდა სცე კონსტიტუციას, სახელმწიფო ინსტიტუციას, ყველაფერი გააკეთო ჯეროვნად და არა ისე, რომ სკამს ფეხი მოახერხო, გვერდზე გაწიო ან ჭიკარტი დადო - საბავშვო ბაღია, რასაც დრო და დრო „ქართული ოცნება" ავლენს!

პატივი უნდა სცე კონსტიტუციას, სახელმწიფო ინსტიტუციას და ყველაფერი გააკეთო ჯეროვნად და არა ისე, რომ სკამს ფეხი მოახერხო, სკამი გვერდზე გაწიო ან ჭიკარტი დადო - საბავშვო ბაღია და სხვა არაფერი, რასაც დრო და დრო "ქართული ოცნება" ავლენს! - ამის შესახებ ჟურნალისტებს პარტია "მოქალაქეების" დეპუტატმა, ალეკო ელისაშვილმა განუცხადა.

ელისაშვილის თქმით, მნიშვნელოვანი იყო ელჩების ყოველწლიურ შეხვედრაში მონაწილეობა მიეღო პრეზიდენტს, რომელიც კონსტიტუციის თანახმად, არის როგორც უმაღლესი მთავარსარდალი, ასევე საგარეო პოლიტიკის ერთ-ერთი წარმმართველი.

როგორც ელისაშვილმა აღნიშნა, "ყველაფერი უნდა გაეკეთებინათ იმისთვის, რომ ღონისძიებაზე სკამი სწორად მდგარიყო და საკითხი სალაპარაკო არ გამხდარიყო".

„მას შემდეგ, რაც „ქართული ოცნებისა" და სალომე ზურაბიშვილის აზრები ბევრ შემთხვევაში ერთმანეთს არ დაემთხვა, ჩვენ ვხედავთ, როგორ უხერხულად იქცევა ხელისუფლება პრეზიდენტთან მიმართებაში. მაგალითად გვახსოვს, როცა საქართველოში ილჰამ ალიევი ჩამოვიდა, პრეზიდენტი საერთოდ საქმის კურსში არ იყო. ახლა ეს ინციდენტი... ეს არის ფაქტი იმისა, რომ "ქართული ოცნება" ხშირ შემთხვევაში ხელმძღვანელობს არა სახელმწიფოებრივი პოზიციით, არამედ ვიწრო პარტიული ინტერესით. გუშინდელი ინციდენტიც სწორედ ამის გაგრძელებაა. "ქართული ოცნება" პრეზიდენტს უყურებს არა სახელმწიფოებრივად, არა ინსტიტუციურად, არამედ დაბოღმილისა და ღვარძლიანის პოზიციიდან - არ მოვიწვიოთ, სკამი არ დავუდგათ! ეს არის ხელისუფლების უშნო საქციელი", - განაცხადა ალეკო ელისაშვილმა.

პრეზიდენტი სალომე ზურაბიშვილი საზღვარგარეთ საქართველოს დიპლომატიური მისიების ხელმძღვანელთა ყოველწლიურ შეკრებას - „ელჩების კონფერენცია 2022“ -ს არ დაესწრო.

პრეზიდენტის ადმინისტრაციის განმარტებით, „ელჩების კონფერენციას“ პრეზიდენტი იმის გამო არ დაესწრო, რომ პროტოკოლმა პრეზიდენტს პროტოკოლის წესით განკუთვნილი ადგილი არ დაუთმო, რაც პროტოკოლური დარღვევაა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024