აჭარის უმაღლეს საბჭოში, გენდერული თანასწორობის საბჭოს ორგანიზებით, ქალ მეწარმეთა პროდუქციის გამოფენა-გაყიდვა გაიმართა

აჭარის უმაღლეს საბჭოში, ქალთა მეწარმეობის წამახალისებელი გამოფენა გაიხსნა. ამის შესახებ ინფორმაციას აჭარის უმაღლესი საბჭო ავრცელებს.

მათივე ცნობით, ღონისძიებაზე, აჭარის მუნიციპალიტეტებიდან, 20-ზე მეტი მეწარმე ქალის მიერ წარმოებული პროდუქციის გამოფენა-გაყიდვა მოეწყო. ექსპოზიციაზე ძირითადად წარმოდგენილი იყო - ხელნაკეთი ნივთები და სასურსათო ნაწარმი.

„გამოფენის მიზანია მეწარმე ქალების წახალისება, თანადგომა, მათ მიერ წარმოებული პროდუქციის ფართო საზოგადოებისათვის გაცნობა და ახალი იდეების მოტივირება. უმაღლესი საბჭო აქტიურად მუშაობს აჭარის მუნიციპალიტეტებში ქალთა ეკონომიკური გაძლიერების საკითხებზე. მნიშვნელოვანია, რომ აჭარის 2023 წლის რესპუბლიკური ბიუჯეტის ფორმირების პროცესში გათვალისწინებულია გენდერული ბიუჯეტირების საკითხები, სხვადასხვა პროგრამები, რომელთა ფარგლებშიც არაერთ მეწარმე ქალს მიეცემა საკუთარი იდეების გენერირების, სამეწარმეო უნარების განვითარების საშუალება“ - განაცხადა უმაღლესი საბჭოს გენდერული თანასწორობის საბჭოს თავმჯდომარემ ფატი ხალვაშმა.

გამოფენა აჭარის უმაღლესი საბჭოს გენდერული თანასწორობის საბჭოს ორგანიზებით და გაეროს განვითარების პროგრამის (UNDP) მხარდაჭერით გაიმართა.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად