კობა კობალაძემ აშშ-ის ევროპული სარდლობის თავდაცვის სფეროში თანამშრომლობის სამსახურის (ODC) ხელმძღვანელს უმასპინძლა

ვეტერანების საქმეთა სახელმწიფო სამსახურის დირექტორმა, გენერალ-მაიორმა კობა კობალაძემ ამერიკის შეერთებული შტატების ევროპული სარდლობის თავდაცვის სფეროში თანამშრომლობის სამსახურის (ODC) ხელმძღვანელს, ვიცე-პოლკოვნიკ ეროლ მუნირს უმასპინძლა.

ვეტერანების საქმეთა სახელმწიფო სამსახურის ინფორმაციით, კობა კობალაძემ მადლობა გადაუხადა სტუმარს იმ მხარდაჭერისთვის, რომელსაც ამერიკელი სტრატეგიული პარტნიორები საქართველოს ვეტერანებისა და ზოგადად, ჩვენი ქვეყნის მიმართ გამოხატავენ. ეროლ მუნირმა კი, თავის მხრივ, ხაზი გაუსვა ამ თანადგომის მნიშვნელობას იმ გამოწვევების გათვალისწინებით, რომლებიც საქართველოს წინაშე დგას.

„მხარეებმა განიხილეს საქართველოში სამობილიზაციო სისტემის ჩამოყალიბების პროცესი, ისაუბრეს საერთაშორისო-სამშვიდობო მისიებში მონაწილე სამხედროებისთვის ვეტერანის სტატუსის მისანიჭებლად ახალ საკანონმდებლო ინიციატივასა და ვეტერანებისთვის ინგლისური ენის შემსწავლელი კურსების ჩამოყალიბების საკითხზე.

კობა კობალაძე და ეროლ მუნირი შეთანხმდნენ მომავალი წლის იანვარში კონკრეტული სამოქმედო გეგმის განხილვასა და შემუშავებაზე.

შეხვედრას, ასევე, ესწრებოდნენ ვეტერანების საქმეთა სახელმწიფო სამსახურის დირექტორის პირველი მოადგილე, ნიკოლოზ კვეზერელი, ადმინისტრაციული დეპარტამენტის უფროსი, ნათია ჯანაშვილი, სამართლებრივი უზრუნველყოფის დეპარტამენტის უფროსის მოადგილე, ირაკლი ჭანტურიძე, პროტოკოლის უფროსი, მარიამ ადამაშვილი, აშშ-ს თავდაცვის სფეროში თანამშრომლობის სამსახურის ორმხრივი ურთიერთობების პროცესების მენეჯერი, ნინო ყიფიანი“,- ნათქვამია გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024