ირაკლი ქარსელაძე - ახალი პროგრამები და პროექტები კიდევ უფრო მნიშვნელოვან მუხტს მისცემს ქვეყნის განვითარებას

2022 წელი მნიშვნელოვანი იყო საგანმანათლებლო და სკოლამდელი ინფრასტრუქტურის განვითარების თვალსაზრისითაც. დასრულდა 45 ახალი სკოლის მშენებლობა-რეაბილიტაცია და დაიწყება 60 ახალი სკოლის მშენებლობა, იმ დიდი პროგრამის პარალელურად, რომელიც განათლების სამინისტროს მიერ 800 სკოლის მშენებლობა-რეაბილიტაციას ითვალისწინებს,- ამის შესახებ რეგიონული განვითარებისა და ინფრასტრუქტურის მინისტრმა ირაკლი ქარსელაძემ საქართველოს პრემიერ-მინისტრის მიერ 2022 წლის ანგარიშის წარდგენის შემდეგ ჟურნალისტებთან საუბრისას განაცხადა.

მინისტრის თქმით, იწყება ბაღების მშენებლობა-რეაბილიტაციის მნიშვნელოვანი პროგრამა, რომლის ინიციატორი პრემიერ-მინისტრია. პროგრამის ფარგლებში, 885 ბაღის მშენებლობა-რეაბილიტაციაა დაგეგმილი და ამისათვის 2023 წლის ბიუჯეტში 100 მილიონი ლარი უკვე გათვალისწინებულია. 200 მილიონი ლარია გათვალისწინებული, ასევე ახალი, ტურისტული მდებარეობების განვითარების პროგრამისათვის.

ირაკლი ქარსელაძემ ისაუბრა წარმატებით მიმდინარე „განახლებული რეგიონების“ პროგრამაზეც და აღნიშნა, რომ პროგრამის ფარგლებში განხორციელებულმა ინვესტიციამ უკვე 400 მილიონ ლარს გადააჭარბა. ენერგოეფექტური მასალების გამოყენებით უკვე განახლდა 600-მდე შენობა, მოწესრიგდა და მოეწყო საინჟინრო ქსელები და რეკრეაციული სივრცეები.

,,2023 წელს შეგვიძლია რეკორდული წელი ვუწოდოთ. 2021 წელს 2 მილიარდ 513 მილიონი ლარი იყო ბიუჯეტის შესრულება, წელს უკვე 3 მილიარდს გადავაბიჯეთ და მომდევნო წლის ბიუჯეტიც 3 მილიარდ 300 მილიონ ლარზე მეტია. ყველა მიმდინარე უმნიშვნელოვანესი პროექტი გრძელდება და ახალი პროგრამები და პროექტებიც კიდევ უფრო მნიშვნელოვან მუხტს მისცემს, როგორც ქვეყნის ინფრასტრუქტურულ განვითარებას, ასევე მნიშვნელოვნად შეუწყობს ხელს ტურიზმის გაზრდას და ქვეყნის ეკონომიკურ წინსვლას“ , - განაცხადა ირაკლი ქარსელაძემ.

მინისტრმა აღნიშნა, რომ მნიშვნელოვანი იყო რეგიონული განვითარებისა და დეცენტრალიზაციის მიმართულებით ის კონკრეტული ინიციატივები, რომლებიც სამოქმედო გეგმით იქნა წარდგენილი და რომლის ფარგლებშიც მოხდება მუნიციპალიტეტების ფინანსური დამოუკიდებლობის და უფლებამოსილებების გაზრდა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს