ლენტეხში მთავარი ნაძვის ხე საზეიმოდ განათდა
ლენტეხში თენგიზ გაზდელიანის სახელობის ცენტრალურ მოედანზე, საახალწლო ნაძვის ხე საზეიმო ვითარებაში აინთო.
ლენტეხის მერიის ცნობით, ქალაქის ცენტრალურ მოედანზე შეკრებილ საზოგადოებას, ბავშვებს და ჩამოსულ სტუმრებს სიტყვით მიმართეს და დამდეგი ახალი წელი ლენტეხის მუნიციპალიტეტის მერმა გია ონიანმა და საკრებულოს თავმჯდომარემ გიორგი გაზდელიანმა მიულოცეს.
„საზეიმოდ ანთებულ ნაძვის ხესთან შესრულდა სალოტბარო სკოლის მოსწავლეთა გუნდის მიერ ფოლკლორული სიმღერები და ცეკვები. პატარებმა წარმოთქვეს ლექსები. ნაძვის ხის ანთების ცერემონიალს მუნიციპალიტეტის ხელმძღვანელი პირები, თანამშრომლები და ადგილობრივი მოსახლეობა ესწრებოდა. ღონისძიება ფოიერვერკით დასრულდა“, - აღნიშნულია გავრცელებულ ინფორმაციაში.
