პაატა მანჯგალაძე - ცესკოს ვადაგასულ თავმჯდომარეს გიორგი კალანდარიშვილს აქვს შესაძლებლობა იმისა, აწ და მარადის უკუნითი უკუნისამდე მოვალეობის შემსრულებელი იყოს

ცესკოს ვადაგასულ თავმჯდომარეს გიორგი კალანდარიშვილს აქვს შესაძლებლობა იმისა, აწ და მარადის უკუნითი უკუნისამდე მოვალეობის შემსრულებელი იყოს - ამიტომ „ქართული ოცნება“ ამ პოსტზე წარდგენილ ნებისმიერ კანდიდატს ჩააგდებს, - აღნიშნული განცხადება ჟურნალისტებთან “სტრატეგია აღმშენებლის“ დეპუტატმა პაატა მანჯგალაძემ გააკეთა.

მანჯგალაძე ჯერჯერობით ვერ აკონკრეტებს, დაუჭერს თუ არა მხარს პრეზიდენტის მიერ წარდგენილ ახალ კანდიდატებს.

“ცესკოს თავმჯდომარისა და პროფესიული წევრების არჩევის საკითხი “ქართულმა ოცნებამ“ ჯერ გააჭიანურა, შემდეგ საერთოდ “ჩააგდო“, მანამდე კი კანონში ცვლილება შეიტანეს, რომლის მიხედვით, ცესკოს ვადაგასული თავმჯდომარე, შესაძლოა უვადოდ მოვალეობის შემსრულებელი იყოს - ასეთია “ქართული ოცნების“ ნოუ ჰაუ! ადამიანი, რომელსაც უფლებამოსილების ვადა გასული აქვს, აწ და მარადის უკუნითი უკუნისამდე შეიძლება მოვალეობის შემსრულებელი იყოს. ამიტომ დავსვათ კითხვა, რატომ დასჭირდა "ქართულ ოცნებას" ისეთი კანონის მიღება, რომლის საფუძველზეც გიორგი კალანდარიშვილი ცესკოს თავმჯდომარეობის უვადო მოვალეობის შემსრულებელი იქნება? – “ქართულ ოცნებას“ აქვს შესაძლებლობა, ნებისმიერი კანდიდატი ჩააგდოს, ვიდრე გიორგი კალანდარიშვილს არ აირჩევენ!“, - განაცხადა პაატა მანჯგალაძემ.

პრეზიდენტმა პარლამენტს ცესკოს თავმჯდომარისა და წევრობის თანამდებობებზე ასარჩევად კანდიდატურები წარუდგინა, ცესკოს წევრის ერთ თანამდებობაზე კი – კონკურსი გამოაცხადა

სალომე ზურაბიშვილმა პარლამენტს ცესკოს თავმჯდომარის თანამდებობაზე გიორგი შაიშმელაშვილისა და ნანული ბებიას კანდიდატურები წარუდგინა, ხოლო ცესკოს წევრის ერთ თანამდებობაზე – რუსუდან ქურდიანისა და თამაზ ფოლადაშვილის კანდიდატურები.

პრეზიდენტის მიერ კანდიდატურების ხელახლა წარდგენა საჭირო მას შემდეგ გახდა, რაც პარლამენტმა ცესკოს თავმჯდომარე და ცესკოს პროფესიული წევრები ვერ აირჩია და პრეზიდენტის მიერ შეთავაზებული ყველა კანდიდატურა “ჩააგდო“.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
საქართველო და პოსტ-საბჭოთა პერიოდის დასასრული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე