გია ცაგარეიშვილის შეფასებით, ივანიშვილთან დაკავშირებით წარმოებული პროცესი იმაზე მეტყველებს, რომ „კრედიტ სუისი" ევროპარლამენტის მიერ მიღებულ რეზოლუციებს იყენებს, სადაც სავარაუდო დასანქცირების თემაზეა საუბარი

„ქართული ოცნების" დეპუტატის გია ცაგარეიშვილის შეფასებით, ბიძინა ივანიშვილთან დაკავშირებით წარმოებული პროცესი იმაზე მეტყველებს, რომ „კრედიტ სუისი" ევროპარლამენტის მიერ მიღებულ რეზოლუციებს იყენებს, სადაც ბიძინა ივანიშვილის სავარაუდო დასანქცირების თემაზეა საუბარი.

ცაგარეიშვილი იმასაც ამბობს, რომ რეზოლუციის ჩანაწერი არაფრის მომცემია, თითიდან გამოწოვილი და ყურით მოთრეული, რაც ევროპარლამენტშიც ყველამ კარგად იცის.

„არის დეპუტატთა ჯგუფი, რომელიც რეზოლუციაში ამ ჩანაწერის მოხვედრას ცდილობდა, რაც მშვენივრად გამოიყენა „კრედიტ სუისმა". ეს დაწესებულება აპელირებს იმაზე, რომ ამ ჩანაწერების გამო ბიძინა ივანიშვილისთვის აფერხებს თანხების ჩარიცხვას და ამ ჩანაწერებს იყენებს. რა თქმა უნდა, პოლიტიკური ზეწოლა თვალში საცემია. ყველა საშუალებით ცდილობენ, რომ ბიძინა ივანიშვილს ისეთი გადაწყვეტილებები მიაღებინონ, რაც მათ აწყობთ, მაგრამ როგორც ჩანს, ამ ადამიანს კარგად არ იცნობენ. ამ ადამიანის მიმართ ზეწოლით არაფერი გამოვა - ადრე თუ გვიან, ივანიშვილი ამ თანხას ბოლო ცენტამდე უკან დაიბრუნებს", - განაცხადა გია ცაგარეიშვილმა.

საქართველოს ყოფილი პრემიერ-მინისტრის, ბიძინა ივანიშვილის სამართლებრივი მრჩევლები „კრედიტ სუისს“-თან მიმდინარე დავასთან დაკავშირებით ინფორმაციას ავრცელებენ. როგორც მათ განცხადებაშია ნათქვამი, „კრედიტ სუისის“ მენეჯმენტის მხრიდან მოლაპარაკების ილუზიის შექმნა პოლიტიკური ზეწოლის მიზანს ემსახურებოდა და არა რაიმე სხვას, თუნდაც, ბანკისთვის სარგებლის მიღებას.

„ჩვენ გვსურს საზოგადოებამ იცოდეს, რომ ამ აბსურდში ვართ დღეს: ერთი მხრივ, ბანკის მენეჯმენტი ერთ-ერთი ტრასტის მართული თანხებიდან (სადაც მსხვილი თანხაა) გადმორიცხვის განხორციელებაზე უარს ამბობს და სასამართლოში გვიშვებს ევროპარალამენტის იმ რეზოლუციის გამო, რომელიც იგნორირებულ იქნა, როგორც ევროპის საბჭოს, ისე ევროკომისიის მიერ, რითაც გაგვიფორმა გადმორიცხვის დაგვიანება სულ მცირე ერთი წლით (2022 წლის მარტიდან 2023 წლის მარტამდე, ისიც თუ სასამართლო მარტში შედგა გერნსიზე);

ხოლო მეორე ტრასტის მართული თანხები უპრობლემოდ გადმორიცხვა ევროპარლამენტის უფრო ძლიერი რეზოლუციის მიღებიდან მეორე დღესვე. ამით ბანკის მენეჯმენტმა თვითონ აჩვენა, თუ რამდენად საფუძვლიანია (უფრო ზუსტად კი - უსაფუძვლოა) მათი მხრიდან მითითება პირველ რეზოლუციაზე. ეს უკანასკნელი გადმორიცხვა ბანკის მენეჯმენტმა მხოლოდ და მხოლოდ სინგაპურის პრინციპული მოსამართლისთვის ანგარიშის გაწევით მოხდა, რადგან მოსამართლემ მკაფიოდ დასვა კითხვა უმიზეზოდ გაჭიანურებული გადახდების შესახებ, რის იგნორირებასაც ბანკი უბრალოდ ვერ მოახდენდა, თუნდაც ევროპარლამენტის რეზოლუციის უგულებელყოფის. ეს უკანასკნელი, ბანკის მენეჯმენტისთვის პრობლემა არ აღმოჩნდა“, - ნათქვამია განცხადებაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი