გარდაბნის ცენტრალური მოედანი და ქუჩები სადღესასწაულო ილუმინაციებით მოირთო. გარდაბნის მუნიციპალიტეტის მერიის ცნობით, საკრებულოს მიმდებარე მოედანზე 23 დეკემბერს საზეიმო ვითარებაში ქალაქის მთავარი ნაძვის ხე აინთო.

მათივე ინფორმაციით, საქართველოს პრემიერ-მინისტრის ირაკლი ღარიბაშვილის ინიციატივით, საახალწლო ღონისძიებები, ქვეყნის ყველა მუნიციპალიტეტში, 24 დეკემბრიდან 13 იანვრის ჩათვლით გაიმართება და გარდაბნის მუნიციპალიტეტში საახალწლო ღონისძიება 2 იანვარს გაიმართება.