ქუთაისის საბავშვო ბაგა-ბაღების 8000-მდე აღსაზრდელი საახალწლო ნობათს მიიღებს
ქუთაისის საბავშვო ბაგა-ბაღების აღსაზრდელებს საახალწლო ტკბილეულის ნობათები ურიგდებათ.
ქუთაისის მერიის მიერ გავრცელებული ინფორმაციით, ტრადიციული სასაჩუქრე ნაკრები ქუთაისის ბაგა-ბაღების გაერთიანებამ ყველა აღსაზრდელისთვის შეიძინა.
„საჩუქარს 8000 მდე ბავშვი მიიღებს. საახალწლო ნობათები ქუთაისის ბიუჯეტიდან დაფინანსდა. ბაგა-ბაღების აღსაზრდელებს ნობათებს საახალწლო ღონისძიებებზე გადასცემენ“, - ნათქვამია გავრცელებულ ინფორმაციაში.
