პაატა ზაქარეიშვილი - სალომე ზურაბიშვილმა მკაფიოდ თქვა, რომ „ქართული ოცნების“ „ხელის გოგო“ არ არის - სააკაშვილთან დაკავშირებით კატეგორიული აღარ არის, შეიძლება არ გამორიცხავს შეწყალებასაც

სალომე ზურაბიშვილმა მკაფიოდ თქვა, რომ ის არ არის „ქართული ოცნების“ „ხელის გოგო“, რასაც ისინი უკარნახებენ, იმის გამკეთებელი არ არის, - ამის შესახებ პოლიტოლოგმა პაატა ზაქარეიშვილმა „პალიტრანიუსის“ გადაცემა „დღის ნიუსრუმში“ განაცხადა, სადაც პრეზიდენტის მიერ დღეს გამართულ ბრიფინგზე გაკეთებული განცხადებები შეაფასა.

როგორც ზაქარეიშვილი განმარტავს, სალომე ზურაბიშვილი კატეგორიული აღარ არის მიხეილ სააკაშვილის შეწყალებასთან დაკავშირებით, კერძოდ, მას არ უთქვამს: „არა და არასდროს“.

„კმაყოფილი ვარ, რომ მან რეაგირება ახლა გააკეთა, ფორმალურობა დაიცვა და პრეზიდენტის ტრიბუნა გამოიყენა. მკაფიოდ თქვა, რომ ის არ არის „ქართული ოცნების“ „ხელის გოგო“, რასაც ისინი უკარნახებენ, ამის გამკეთებელი არ არის. მას გააჩნია თავისი ხედვები, ბევრი რამ არ მოსწონს, როგორც სასამართლოში, ისე ქვეყნის ორიენტაციაში, ევროპიდან გადახვევის მცდელობა რომ არის, ყველაფერს გააკეთებს, რომ ეს არ მოხდეს. ეს არის ერთ-ერთი მთავარი შეტყობინება, რომ მას პრინციპები გააჩნია, ხშირად თუ არა, ზოგჯერ ეს პრინციპები არ ემთხვევა „ქართული ოცნების“ დღევანდელ პოლიტიკას. მან ეს დააფიქსირა, რომ ეს ასეა.

მგონი, უკვე კატეგორიული აღარ არის, „არა და არასდროს“, არ ამბობს დიდი ხანია. ის, რაც სააკაშვილის ჯანმრთელობის მიმართ ხდება შემაშფოთებელია. მგონი, იტოვებს რაღაც შანსს, სივრცეს, რათა კრიტიკულ სიტუაციაში იმ დროისთვის მისაღები გადაწყვეტილება მიიღოს, მათ შორის, შეიძლება არ გამორიცხავს შეწყალებას. მისი ლაპარაკიდან {ჩანს}, რომ შეწყალება არ არის პრიორიტეტი, ის არ ეძებს შეწყალების საბაბს. მე არ გამოვრიცხავ, რომ მას ურჩევნია ყველაფერი ისე დასრულდეს, რომ მას არ მოუწიოს შეწყალება“, - აღნიშნავს ზაქარეიშვილი.

ცნობისთვის, დღეს პრეზიდენტმა ბრიფინგი გამართა, სადაც აღნიშნა, რომ ადამიანები, რომლებიც დღეს „ემუქრებიან სხვადასხვა ფორმით, არსად არ იყვნენ 2007 წელს და ახლა მას უკითხავენ მორალს და ასწავლიან როგორ უნდა ებრძოლო სააკაშვილს, რომელიც დღეს უკვე დაცემულია”.

პრეზიდენტის განცხადებით, მიხეილ სააკაშვილის გარდა სხვა თემის წამოწევა შეუძლებელია, „ქვეყანა იძირება ამ საკითხის ირგვლივ და ეს ორივე ძალას აწყობს“. რაც შეეხება ჟურნალისტის კითხვას - შეიწყალებს თუ არა, ყოფილ პრეზიდენტს მიხეილ სააკაშვილს, პრეზიდენტი აღნიშნავს, რომ „მთავარ შეკითხვას პასუხი გაეცემა, როცა გაეცემა“.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი